Íslandsmót öldunga

Athygli norðlenskra öldunga er vakin á þessu móti. Ef þátttaka fæst hér fyrir norðan er möguleiki á að tefla fyrstu tvær umferðirnar hér, aðra eða báðar.  Þeir sem hyggja á þátttöku verða þó að vera tilbúnir til að tefla í Reykjavík dagana 19-22. september. Við hvetjum (h)eldri skákmenn til þátttöku í þessu móti og að skrá sig hið fysta.

Upplýsingar um mótið:

Íslandsmót öldunga (65+) verður haldið í fyrsta skipti sem kappskákmót 5.-22. september nk. Mótið verður haldið í húsnæði Skákskóla Íslands, Faxafeni 12.

Tefldar verða sex umferðir á mótinu. Reynt er að koma til móts við þarfir landsbyggðarmanna með fyrirkomulagi mótsins. Tvær hálf vinnings yfirsetur í umferðum 1-4 eru leyfðar.

Fyrstu þrjár umferðirnar eru haldnar með viku millibili á fimmtudögum (5.-19. september). Mótinu lýkur svo með helgarlotu (20.-22. september).

Möguleiki er að Norðanmenn geti teflt 1. og jafnvel einnig 2. umferð fyrir norðan við hvorn annan þ.e. ef þátttaka þeirra verður nægjanleg góð.

Dagskrá:

1. umferð Fimmtudagurinn 5. september 16:00
2. umferð Fimmtudagurinn 12. september 16:00
3. umferð Fimmtudagurinn 19. september 16:00
4. umferð Föstudagurinn 20. september 16:00
5. umferð Laugardagurinn 21. september 13:00
6. umferð Sunnudagurinn 22. september 13:00


Umhugsunartími:  90 mínútur auk 30 sekúndna viðbótartíma fyrir hvern leik. 

Mótið er opið fyrir alla 65 ára og eldri. Fæddir 1954 eða fyrr. 

Þátttökugjald: 10.000 kr. á keppenda

Verðlaun:

1. 120.000 kr. ferðastyrkur á alþjóðlegt öldungamót
2. 50.000 kr.
3.   30.000 kr.

Verðlaun skiptast eftir Hort-kerfinu. 

Veit verða sérverðlaun (verðlaunagripir) fyrir hver fimm ár (70+, 75+ o.s. frv.).

Startmótið sunnudaginn 8. september

Upphafsmót nýrrar skáktíðar hér á Akureyri, Startmótið, verður haldið sunnudaginn 8. september og hefst kl. 13. Tefldar verða hraðskákir að venju. Allir áhugasamir eru hvattir til að mæta, ekki síst ungir skákmenn. 

Mótaáætlun verður birt á næstunni, en þegar hefur verið ákveðið að haustmót félagsins hefjist þann 22. september. Dagskrá mótsins verður birt á næstu dögum.

Æfingadagskrá á haustmisseri

Æfingar fyrir börn og unglinga verða sem hér segir:

Mánudagar kl. 17.30-19.00. Þjálfarar Elsa og Hilmir.  Hefst 2. september.

Miðvikudagar kl. 17-18.30. Þjálfarar Sigurður og Andri. Hefst 4. september. 

Æfingagjald fyrir önnina er það sama og í fyrra, kr. 6.000. Það verður rukkað fyrir miðjan október.

Við gerum ráð fyrir að mánudagstímarnir henti frekar yngri nemendum (f. 2010 og síðar) og miðvikudagstímarnir þeim sem eru fæddir 2009 og fyrr.  Þetta getur þó verið sveigjanlegt og þeir sem eru skráðir á æfingar eru velkomnir að mæta BÆÐI á mánudögum og miðvikudögum meðan húsrúm leyfir.  Við getum þurft að takmarka fjöldann ef aðsókn verður mikil, en til greina kemur að bæta við þriðja æfingatímanum við. Það ræðst eftir miðjan september og verður þá reynt að finna tíma í samráði við nemendur og forráðamenn.

Gert er ráð fyrir að laugardagsmótin haldi áfram, þau verða auglýst sérstaklega innan skamms. 

Hægt er að skrá nemendur með tölvupósti á [e-mail], á facebook eða á staðnum þegar æfingar hefjast.