Frá aðalfundi

Aðalfundur Skákfélagsins var haldinn sunnudaginn 9. september og fór þar flest fram með hefðbundnu sniði. Formaður flutti skýrslu sína og gjaldkeri kynnti reikninga félagsins. Hvorutveggja hefur þegar verið birt hér á síðunni. Nokkuð var á fundinum rætt um starfsemi liðins árs, en þó eiknum um það sem framundan er, en 100. starfsári félagsins fer nú í hönd og mun sá merki áfangi setja nokkuð mark sitt á starfið.  Reikningar voru samþykktir án athugasemda og kemur þar fram að reksturinn er í járnum og hefur félagið verið rekið hallalaust um árabil. 

Ný stjórn var kjörin; Áskell Örn Kárason endurkjörinn formaður og þau Andri Freyr Björgvinsson, Pia Sigurlína Vinikka, Sigurður Arnarson og Smári Ólafsson sömuleiðis endurkjörin. Haraldur Haraldsson gaf ekki kost á sér til endurkjörs og var Rúnar Sigurpálsson kjörinn í hans stað. Eru Haraldi þökkuð farsæl störf fyrir félagið um árabil um leið og ljóst er að mikill fengur er að Rúnari í stjórnina, en hann er ekki með öllu ókunnur stjórnarstörfum í félaginu. Stjórnin á enn eftir að skipta með sér verkum. 

Jón með yfirburði

Fimmtudaginn 13. september fór önnur lota Mótaraðarinnar fram. Sjö keppendur mættu til leiks að þessu sinni og var tefld tvöföld umferð. Skemmst er frá því að segja að Jón Kristinn Þorgeirsson bar höfuð og herðar yfir aðra keppendur og hlaut 11 vinninga af 12 mögulegum. Aðeins aldursforseti mótsin, Ólafur Kristjánsson, náði af honum einum punkti. Næstu menn reittu hver af öðrum.
Úrslitin úr tveimur fyrstu mótunum má sjá hér að neðan sem og heildarfjölda vinninga. Keppendum er raðað eftir árangri fimmtudagsins.

Á morgun, sunnudag, fer fram fimmtán mínútna mót hjá SA og hefst það kl. 13.00. Skráning á staðnum.

	06.09.	13.09.		Samtals
Jón Kristinn Þorgeirsson	7.5	11		18.5
Sigurður Arnarson	4.5	7.5		12
Andri Freyr Björgvinsson	5.5	7		12.5
Ólafur Kristjánsson		7		7
Símon Þórhallsson	3	6		9
Sigurður Eiríksson		2.5		2.5
Heiðar Ólafsson	0	1		1
Smári Ólafsson	6			6
Haki Jóhannesson	3.5			3.5
Karl Egill Steingrímsson	3			3
Hjörtur Steinbergsson	3			3

 

 

Mótaröðin

Fimmtudaginn 6. sept. fór 1. umferð Mótaraðarinnar fram. Alls mættu 9 keppendur og öttu kappi í hraðskák. Úrslit urðu sem hér segir:

Jón Kristinn Þorgeirsson	7.5
Smári Ólafsson	6
Andri Freyr Björgvinsson	5.5
Sigurður Arnarson	4.5
Haki Jóhannesson	3.5
Karl Egill Steingrímsson	3
Símon Þórhallsson	3
Hjörtur Steinbergsson	3
Heiðar Ólafsson	0

Næsta umferð fer fram fimmtudaginn 13. september kl. 20.