Haustmót Skákfélags Akureyrar 2018

Fyrirhugað er að mótið verði sjö umferðir og er dagskrá sem hér segir:

Sunnudagur 23. september kl. 13.00      1. umferð

Fimmtudagur 27. september kl. 18.00     2. umferð

Sunnudagur 30. september kl. 13.00      3.umferð

Fimmtudagur 4. október kl. 18.00        4.umferð

Laugardagur 6. október kl. 13.00        5. umferð

Fimmtudagur 11. október kl. 18.00       6.umferð

Sunnudagur 14. október kl. 13.00        7. umferð

Röðun verður eftir svissneska kerfinu, ef fjöldi þátttakenda leyfir (11 eða fleiri). Ef þátttaendur verða 10 eða færri, munu allir tefla við alla og fjöldi umferða sem því nemur.  

Skráning er hjá formanni félagsins í [e-mail], með skilaboðum á Facebook síðu félagsins eða á skákstað, í síðasta lagi 15. mínútum fyrir upphaf fyrstu umferðar. 

Þátttökugjald á mótið er kr. 3.000 fyrir félagsmenn, kr. 4.000 fyrir aðra. Eins og áður eru þeir unglingar sem greiða æfingagjald undanþegnir þátttökugjaldi.

Umhugsunartími er 90 mínútur á skákina, auk 30 sekúndna viðbótartíma fyrir hvern leik.

Mótið reiknast til alþjóðlegra og íslenskra skákstiga. 

Haustmótið er meistaramót Skákfélags Akureyrar. Núverandi meistari félagsins er Fide-meistarinn Jón Kristinn Þorgeirsson

Sex í 15 mínútur

Sex keppendur mættu til leiks á 15 mínútna mótinu í dag, 16. september. Fór vel á með þeim eins og gefur að skilja og skráðust úrslit sem hér segir:

		1	2	3	4	5	6
1	Áskell Örn Kárason		1	½	1	1	½	4
2	Sigurður Arnarson	0		1	1	1	1	4
3	Símon Þórhallsson	½	0		1	1	1	3½
4	Benedikt Stefánsson	0	0	0		½	1	1½
5	Sigurður Eiríksson	0	0	0	½		1	1½
6	Arnar Smári Signýjarson	½	0	0	0	0		½

Næsta mót verður á fimmtudag, þegar mótaröðin heldur áfram. Haustmótið hefst svo á sunnudaginn, eins og auglýst verður hér á síðunni.

 

15 mínútna mót sunnudag

Í dag, sunnudaginn 16. september verður hægt að tefla skákir með 15 mínútna umhugsunartíma. Góð tilbreyting frá hraðskákinni. Taflið hefst kl. 13.

Frá aðalfundi

Aðalfundur Skákfélagsins var haldinn sunnudaginn 9. september og fór þar flest fram með hefðbundnu sniði. Formaður flutti skýrslu sína og gjaldkeri kynnti reikninga félagsins. Hvorutveggja hefur þegar verið birt hér á síðunni. Nokkuð var á fundinum rætt um starfsemi liðins árs, en þó eiknum um það sem framundan er, en 100. starfsári félagsins fer nú í hönd og mun sá merki áfangi setja nokkuð mark sitt á starfið.  Reikningar voru samþykktir án athugasemda og kemur þar fram að reksturinn er í járnum og hefur félagið verið rekið hallalaust um árabil. 

Ný stjórn var kjörin; Áskell Örn Kárason endurkjörinn formaður og þau Andri Freyr Björgvinsson, Pia Sigurlína Vinikka, Sigurður Arnarson og Smári Ólafsson sömuleiðis endurkjörin. Haraldur Haraldsson gaf ekki kost á sér til endurkjörs og var Rúnar Sigurpálsson kjörinn í hans stað. Eru Haraldi þökkuð farsæl störf fyrir félagið um árabil um leið og ljóst er að mikill fengur er að Rúnari í stjórnina, en hann er ekki með öllu ókunnur stjórnarstörfum í félaginu. Stjórnin á enn eftir að skipta með sér verkum.