Startmótið nú á sunnudaginn

Að venju hefst skáktíð hjá okkur að hausti með Startmóti og er það á dagskrá nú á sunnudaginn, 2. september og hefst kl. 13. Áður en taflmennska hefst ætlar Áskell Örn Kárason að segja frá þátttöku sinni á nýloknu Evrópumóti öldunga, þar sem hann vann silfurverðlaun og var útnefndur alþjóðlegur meistari í skák fyrir vikið. Fyrirlestur Áskels verður í norðursal Skákheimilisins, en að honum loknum hefst taflið í suðursal. Ölumm heimil þátttaka, eins og venja er. 

Aðalfundur SA 9. september

Aðalfundur Skákfélags Akureyrar verður haldinn sunnudaginn 9. september nk. kl. 13.00 í Skákheimilinu. 

Á dagskrá eru venjuleg aðalfundarstörf skv. lögum félagsins. Með  

Félagsmenn eru hvattir til að mæta á fundinn og taka þátt í umræðum og ákvörðunum um starfsemi félagsins á komandi starfsári þegar félagið fagnar 100 afmæli sínu.

Til þess að fundurinn sé lögmætur þurfa a.m.k. 10 félagsmenn að mæta á hann.

Tillögur um lagabreytingar þurfa að liggja fyrir í upphafi aðalfundar.

Skrár tengdar þessari bloggfærslu:

• Lög Skákfelags Akureyrar

Skákæfingar að hefjast fyrir börn og unglinga

Æfingar á haustmisseri verða sem hér segir:

Almennur flokkur á mánudögum 16.30-17.30 og 17.30-18.30. Leiðbeinendur Elsa María Kristínardóttir og Hilmir Vilhjálmsson. Þessar æfingar eru ætlaðar byrjendum og yngstu börnunum; hópnum verður þó tvískipt og gert ráð fyrir að reyndari nemendur og lengra komnir mæti í síðari tímann.

Almenni flokkurinn hefst mánudaginn 3. september.

Framhaldsflokkur á miðvikudögum kl. 17.00-18.30. Leiðbeinendur Sigurður Arnarson og Andri Freyr Björgvinsson. Þessar æfingar eru ætlaðar börnum frá ca. 11 ára aldri sem þegar hafa fengið nokkra æfingu. Þau sem það vilja geta líka sótt mánudagsæfingarnar kl. 17.30.

Framhaldsflokkurinn hefst miðvikudaginn 5. september.

 

Unglingum f. 2005-2003 er beint í samval í skák hjá grunnskólunum. Þeir tímar verða kl. 14.00 á miðvikudögum, fyrsti tíminn þann 29. ágúst.  Leiðbeinandi verður Áskell Örn Kárason. 

Þá verða haldin skákmót fyrir börn á grunnskólaaldri á kl. 10-12 á laugardagsmorgnum. Fyrsta mótið verður haldið 22. september.