Jón Kristinn bikarmeistari

Að venju var bikarmót SA haldið um páskana. Mótið hófst á skírdag og lauk á föstudaginn langa. Átta skákjöfrar telfdu um bikarinn að þessu sinni, en mótið er útsláttarkeppni með þeim hætti að þátttakendur falla út eftir þrjú töp (jafntefli = 1/2 tap). Umhugsunartími er 15 mín á skákina. 

Þegar fyrri degi lauk voru þeir Heiðar Ólafsson, Benedikt Stefánsson, Haraldur Haraldsson og Sigurður Einarsson slegnir út, en fimm umferðir voru tefldar þann dag. Á langa deginum áttust við þeir sem eftir sátu og drógust saman þannig að Símon tefldi þrjár skákir við Áskel og Jón Kristinn þrjár við Sigurð Arnarson málningarmeistara. Drátturinn vildi hafa þetta svona og aðrir kostir voru ekki í boði. Ungu mennirnir náðu að knésetja þá eldri (2-1 í báðum tilvikum) og sátu því einir að lokaviðureigninni, þar sem Jón Kristinn hafpi betur og hammpar því þessum eftirsótta titli.

Næst verður PÁSKAHRAÐSKÁKMÓTIÐ á dagskrá á mánudag, annan páskadag og hefst kl. 13.00.

Arnar Smári og Fannar Breki skólaskákmeistarar. Jökull Máni meistari í barnaflokki!

Skólaskákmót Akureyrar fór fram mánudaginn 26. mars. Til mótsins voru mættir nemendur sex grunnskóla á Akureyri. Teflt var um meistaratitil í tveimur aldursflokkum auk þess sem þeir keppendur sem fæddir voru 2007 og síðar tefldu um meistaratitil Akureyrar í barnaflokki.  Keppendur voru 14 og fengu þessir flesta vinninga:

Óttar Örn Bergmann, Snælandsskóla         6

Fannar Breki Kárason, Glerárskóla         4,5

Arnar Smári Signýjarson, Giljaskóla       4,5

Jökull Máni Kárason, Glerárskóla          3,5

Ingólfur Bjarki Steinþórsson, Naustaskóla 3,5

Gabríel Freyr Björnsson, Brekkuskóla      3

Ingólfur Árni Benediktsson, Naustakóla    3

Anton Bjarni Bjarkason, Brekkuskóla       3

Sigurður Máni Guðmundsson, Brekkuskóla    3

Óttar Örn telfdi sem gestur og vann allar sínar skákir þótt hann lenti oft í kröppum dansi. Í eldri flokki (8-10. bekk) varð Arnar Smári hlutskarpastur og Gabríel Freyr í öðru sæti. Fannar Breki varð efstur keppenda í 1-7. bekk; Jökull bróðir hans og Ingólfur Máni komu næstir og hreppti Jökull barnameistaratitilinn á stigum. Efstu menn úr hvorum aldursflokki á skólaskákmótinu munu tefla á umdæmismóti Norðurlands eystra sem háð verður um miðjan apríl.  Efsta sætið í hvorum flokki gefur keppnisrétt á landsmótinu í skólaskák sem að venju fer fram snemma í maí.  

 

Skák um páskana

Heilir og sælir félagar . á Morgun Skírdag kl 13:00 fer fram hið árlega bikarmót sem er útsláttarmót með 15 mínútna umhugsunartíma keppendur detta út eftir 3 töp og er því hart barist í hverri skák eins og í bikarúrslitaleikjum í öðrum greinum. keppninni verður svo haldið áfram á Föstudaginn langa kl 13:00 einnig.Þessi mót eru æði skemmtileg og hvet ég alla til að mæta . 

Á mánudaginn annan í páskum er svo hið árlega páska hraðskáksmót .kl 13:00 .

Engum skákmanni þarf að láta sér leiðast um páskana heldur einfaldlega að mæta á skákstað og hitta alla þessa snjöllu meistara bæði unga sem aldna,