Jón Kristinn TM-mótaraðameistari

Fimmtudaginn 19. apríl fór lokaumferð TM-mótaraðarinnar fram. Tíu vaskir skákmenn mættu til leiks. Þar af var helmingur sem ekki hafa teflt áður á mótaröðinni á þessu ári.
Fyrir lokaumferðina leiddi Jón Kristinn Þorgeirsson í keppninni í heild en Símon Þórhallsson var skammt á eftir. Jón gaf engin grið og lagði Símon og tryggði sér þar með sigur í heildarkeppninni. Jón hlaut 8 vinninga af 9 mögulegum í lokaumferðinni og deildi efsta sætinu með Sigurði Arnarsyni. Í þriðja sæti varð hinn ungi og bráðefnilegi Stefan Briem. Hlaut hann 7 vinninga. Hann var sá eini í þessari umferð sem lagði meistara Jón. Þeir Briem-bræður eru sérstakir vinir Skákfélags Akureyrar og tefla ætið vel hér í bæ.
Heildarstaðan varð þessi:

Jón Kristinn Þorgeirsson	8
Sigurður Arnarson	8
Stefan Briem	7
Símon Þórhallsson	6
Tómas Veigar Sigurðarson	4
Haki Jóhannesson	3,5
Benedikt Briem	3
Alex Orrason	2,5
Ólafur Evert Úlfsson	2
Hjörtur Steinbergsson	1

 

Í heildarkeppninni teljast fimm bestu umferðirnar af þeim sjö sem tefldar voru. Því dugði það ekki Símoni Þórhallssyni til sigurs að hafa flesta vinninga í heildina og flesta sigra í mótaröðinni að auki. Hann varð samt vinningi á eftir Jóni Kristni. Í þriðja sæti endaði Sigurður Arnarson. Alls tóku 24 skákmenn þátt í mótaröðinni í heild sinni en flestir urður þeir 13 í einni umferð.

Lokastöðuna má sjá hér að neðan.

Skákþing Akureyrar - unglingaflokkur

Keppt var í unglingaflokki dagana 21. febrúar og 21. mars sl. Mótið var háð í samvinnu við samval grunnskólanna í skáks, þar sem Skafti Ingimarsson er kennari. Keppendur voru flestir nemendur Skafta í 8-10. bekk, auk Fannars Breka Kárasonar. 

Í upphafi mættu sjö keppendur til leiks, en tveir bættust við í síðari hlutanum. Því telfdu ekki allir jafnmargar skákir. 

Röð keppenda var þessi:

1. Arnar Smári        6 v. af 6

2. Fannar Breki       5

3. Gabríel Máni       3,5

4. Þórsteinn Atli     2,5

5. Atli Fannar        2  af 3

6-7. Gabríel Alex     1,5

6-7. Dagur Máni       1,5 af 4

8-9. Steinar Bragi    1 af 3

8-9. Ísak             1 af 3

Arnar Smári Signýjarson er því Skákmeistari Akureyrar í unglingaflokki 2018. Allir keppendur stóðu sig með sóma; sumir voru að tefla í sínu fyrsta móti, en geta örugglega bætt sig með frekari taflmennsku.

 

 

TM-mótaröðin í kvöld

Í kvöld fer lokaumferð TM-mótaraðarinnar fram. Keppnin hefst kl. 20.00 og verða tefldar hraðskákir með umhugsunartímanum 4+2. Það merkir að hver keppandi fær fjórar mínútur fyrir hverja skák og að auki tvær sekúndur fyrir hvern leik.
Sá verður útnefndur meistari sem fær samanlegt flesta vinninga úr fimm bestu umferðunum af sjö mögulegum. Stöðuna má sjá á meðfylgjandi mynd.

Öll eru velkomin í keppni kvöldsins burt séð frá því hvort þau hafi áður tekið þátt eða ekki. Heyrst hefur af sterkum, ungum skákmönnum í bænum sem eru sérlegir vinir Skákfélagsins.