Andri og Rúnar efstir og jafnir á skákþinginu!

Það var mikið undir í sjöundu og síðustu umferð 81. Skákþings Akureyrar í dag. Rúnar Sigurpálsson, sem síðast varð Akureyrarmeistari árið 2010, hafði hálfs vinnings fortskot á Andra Frey Björgvinsson, tvítugan pilt sem hefur verið í mikilli framför en á enn eftir að vinna stóran titil. Rúnars beið hinsvegar það erfiða hlutskipti að verjast með svörtu mönnunum gegn Jóni Kristni Þorgeirssyni,  stigahæsta manni mótsins og meistara síðustu tveggja ára.  Rúnari voru mjög mislagðar hendur í skákinni og mátti leggja niður vopnin eftir stutta baráttu.   Andri stóð þá með pálmann í höndunum, hann myndi hreppa titilinn eftirsótta með sigri í sinni skák. Hann atti hinsvegar kappi við Símon Þórhallsson, sem sannarlega var sýnd veiði en ekki gefin, enda búinn að velgja forustusauðum rækilega undir uggum fyrr á mótinu. Andri virtist um hríð eiga allskostar við Símon, en eftir snjallan leik hjá hinum síðarnefndra hallaði á Andra og var staða hans töpuð um tíma. Símon brenndi þó af í dauðafæri og gaf andstæðingi sínum kost á því að sigla taflinu í jafnteflishöfn. Í þriðju skák dagsins vann Haraldur Haraldsson sigur á  Benedikt Stefánssyni. Lokastaðan er því sem hér segir:

1-2. FM Rúnar Sigurpálsson og Andri Freyr Björgvinsson 4,5

3. FM Jón Kristinn Þorgeirsson 4

4-5. Símon Þórhallsson og Sigurður Eiríksson                     3

6. Haraldur Haraldsson 2
7. Benedikt Stefánsson 0

Þeir Rúnar og Andri þurfa því að heyja aukakeppni um meistaratitilinn. Sú keppni bíður þess að Íslandsmóti skáklfélaga ljúki, en það verður háð í Reykjavík um næstu helgi. Það á Skákfélagið tvær sveitir í fyrstu deild og stendur í harðri barátti.

Myndin er af hinni dramatísku viðureing Andra (t.v.) og Símonar(t.h.)

Lokastöðuna má sjá hér

Aron Sveinn Davíðsson skákmeistari Síðuskóla

Skákmót Síðuskóla fór fram föstudaginn 23. febrúar. 18 nemendur úr 5,6, 7. og 9. bekk tóku þátt í mótinu, þar vaf þrjár stúlkur. Hörð og spennandi keppni var um efstu sætin í mótinu en Aron Sveinn Davíðsson úr 9. bekk reyndist þó farsælastur í sínum skákum og hafði sigur í þeim öllum. Röð efstu manna var annars þessi:

Aron Sveinn Davíðsson, 9. bekk     5 

Natan Máni Drafnarson, 9. bekk     4

Jóhann Ingi Gunnarsson, 9. bekk    3,5

Svanar Máni Geislason, 7. bekk     3,5

Breki Hólm Hrafnsson, 9. bekk      3

Bryngeir Óli Viggósson, 7. bekk    3

Stefán Andri Björnsson, 5. bekk    3

Sjá frétt af mótinu og myndir frá því á heimsíðu Síðuskóla

Spenna í TM-mótaröðinni

 

 

Mikil spenna var í keppni efstu manna þegar 4. umferð TM-mótaraðarinnar var tefld í gær. Ellefu keppendur mættu til leiks og var hart barist að vanda. Í lokin munaði aðeins 1,5 vinningum á 1. og 5. sæti.
Röð keppenda má sjá hér að neðan.

Símon Þórhallsson	8,5
Elsa María Kristínardóttir	8
Jón Kristinn Þorgeirsson	7,5
Sigurður Arnarson	7
Áskell Örn Kárason	7
Hjörtur Steinbergsson	5
Benedikt Sigurðsson		5
Smári Ólafsson	4
Haraldur Haraldsson	3,5
Karl Egill Steingrímsson	1
Heiðar				0,5

 

Heildarstöðuna eftir fjögur mót má sjá hér að neðan.

 

	11.1.2018	25.1.2018	8.2.	22.2.2018	Samtals
Símon Þórhallsson	10	8,5	9	8,5	36
Sigurður Arnarson	8	7	10	7	32
Jón Kristinn Þorgeirsson	9	10		7,5	26,5
Smári Ólafsson	7	7,5	8	4	26,5
Áskell Örn Kárason	8	8		7	23
Elsa María Kristínardóttir	8		7	8	23
Sigurður Eiríksson	7	7	7		21
Haraldur Haraldsson	6	5	6,5	3,5	21
Haki Jóhannesson		6	4,5		10,5
Kristinn P. Magnússon		4	6,5		10,5
Hjörtur Steinbergsson	2	1	2,5	5	10,5
Andri Freyr Björgvinsson			10		10
Karl Egill Steingrímsson	3	2	3,5	1	9,5
Ólafur Kristjánsson	8				8
Benedikt Sigurðsson				5	5
Hreinn Hrafnsson			3,5		3,5
Arnar Smári Signýarson	2	0			2
Heiðar				0,5	0,5
Hilmir Vilhjálmsson	0		0		0