Hver verður skákmeistari Akureyrar 2018?

Eins og glöggir heimasíðulesendur vita urðu þeir Rúnar Sigurpálsson og Andri Freyr Björgvinsson jafnir og efstir á Skákþingi Akureyrar sem lauk nýlega. Hefð og reglur segja að þá skuli teflt um titilinni. Það verður gert með þessum hætti:

Þriðjudaginn 13. mars kl. 17.15 Fyrri úrslitaskák (sami tími og í mótinu sjálfu)

Miðvikudaginn 14. mars kl. 17.15 Seinni úrslitaskák (sami tími og í mótinu sjálfu)           Ef jafnt verður eftir þessar tvær skákir verða tefldar tvær skákir með umhugsunartímanum 10-4 (10 mín. og 4 sem fyrir hvern leik). Ef enn verður jafnt eftir þetta takast þeir á í einni lokaskák. Það hefur hvítur 6 múnútur fyrir skákina og svartur 5. Jafntefli dugar svörtum. Sá sem vinnur hlutkesti fær að velja sér lit. Úrslit munu sumsé ráðast á miðvikudagskvöldið. Áhorfendur velkomnir.

Myndirnar með fréttinni tók Sigðurður Arnarson