Skákfélag Akureyrar

Spennandi umferð framundan í Norðurorkumótinu

Laugardagur, 7. febrúar 2015

Á morgun hefst 5. umferð Skákþings Akureyrar, Norðurorkumótsins. Óhætt er að segja að mikil spenna ríki. Hæst ber viðureign tveggja bestu skákmanna Íslands á grunnskólaaldri. Símon Þórhallsson hefur hvítt gegn félaga sínum og vini, Jóni Kristni Þorgeirssyni. Báðir hafa þeir staðið sig mjög vel á mótinu. Jón leiðir mótið með fullt hús vinninga. Í tveimur síðustu umferðum fékk hann verri stöðu út úr byrjuninni gegn kempunum Haraldi Haraldssyni og Ólafi Kristjánssyni. Honum tókst þó að vinna þá báða eins og aðra andstæðinga sína hingað til. Árangur hans samsvarar 2661 skákstigi og hefur hann bætt við sig 46 skákstigum.
Símon er einnig taplaus í mótinu en hefur gert eitt jafntefli. Það var við Áskel Örn Kárason og deila þeir 2. sæti í mótinu á eftir Jóni. Símon hefur teflt af miklu öryggi allt mótið og aldrei lent í taphættu. Hann hefur unnið sér inn 34 skákstig með frammistöðu sinni hingað til.

Á hinum enda mótstöflunnar fer fram ekki síður spennandi viðureign. Þar eigast við tveir yngstu keppendurnir. Það eru þeir Oliver Ísak Ólason (fæddur 2002) og Gabríel Freyr Björnsson (fæddur 2004). Báðir hafa þeir teflt vel á köflum í mótinu og eru óheppnir að hafa ekki landað stórum fiskum í fyrstu fjórum umferðunum.

http://chess-results.com/tnr158952.aspx?lan=1&art=2&rd=5&wi=821

Skákþing Akureyrar | Breytt 9.2.2015 kl. 13:04 | Slóð | Facebook | Athugasemdir (0)

Jón efstur mætir Símoni næst

Föstudagur, 6. febrúar 2015

Í gær lauk 4. umferð Norðurorkumótsins, Skákþings Akureyrar.

Í fyrradag voru tefldar þrjár skákir. Smári vann Sigurð Eiríksson með svörtu eftir grófan afleik þess síðarnefnda. Þá var staða Smára töluvert betri en vel teflanleg á hvítt. Í viðureign ungu mannanna Gabríels og Benedikts sigraði Bensi nokkuð örugglega. Þriðju skákinni, skák Jakobs og Ulker varð fremur stutt jafntefli.

Í gær tefldu ungir menn gegn reynsluboltum á fyrstu þremur borðunum. Viðureignirnar gengu fyrir sig sem hér segir.

Á fyrsta borði atti Áskell Örn kappi við Símon. Báðir höfðu þeir unnið allar sínar viðureignir fram að þessari. Staðan var lengi flókin en í jafnvægi. Í 23 leik fórnaði Símon manni fyrir 2 peð og sóknarfæri. Staða hans var nokkuð álitleg en endaði með jafntefli eftir þráleik.

Í skák Jóns og Haraldar lenti hvítur í beyglu og svartur vann skiptamun og sótti stíft. Jón varðist vel og eftir að hann náði drottningaruppskiptum fjaraði sóknin út hjá Haraldi. Jón náði þá að bæta stöðu sína jafnt og þétt þrátt fyrir að vera aðeins með peð upp í skiptamuninn. Hann fékk tvö samstæð frípeð og gat rekið svarta kónginn á undan sér eins og fé í rétt. Í réttinni flæktist hvíti kóngurinn í mátnet. Þar með komst Jón upp fyrir Áskel og Símon.

Andri Freyr stýrði hvítu mönnunum gegn Ólafi. Hann tefldi vel og var lengst af með heldur betra. Hann fékk góðan og virkan riddara gegn slæmum biskupi. Það dugði honum til að vinna peð en því fylgdi nokkurt tímahrak. Í tímahrakinu tókst Ólafi að snúa á Andra og vann að lokum eftir að Andra tókst ekki að finna réttu varnarleikina.

Karl lék af sér peði með hvítu gegn Hreini og fékk töluvert verra. Smám saman tókst honum þó að bæta stöðu sína og náði mótspili. Hrein greip til þess bragðs að fórna skiptamun og úr varð jafntefli.

Kristján tefldi kröftuglega á móti Haka. Haki þurfti að finna kóngi sínum skjól á miðborðinu og tókst það. Hann hafði sitt hvorn hrókinn á hálfopnum b- og g-línum en Kristján sótti á miðborðinu. Eftir 26 leiki hafði hvítur heldur vænlegra tafl en lék þá slæmum fingurbrjót og fékk vonlitla stöðu. Kristján barðist þó áfram og gafst ekki upp fyrr en í fulla hnefana. Þá hafði leikjafjöldinn verið tvöfaldaður frá afleiknum.

Logi fékk heldur betri peðastöðu með hvítu mönnunum út úr byrjuninni gegn Hjörleifi. Hjörleifur fór þá í sóknaraðgerðir á kóngsvæng en Logi hratt þeim öllum og bætti stöðu sína smám saman. Loga tókst að vinna tvö peð af Hjörleifi sem dugði honum til sigurs þótt hann hafi ekki valið einföldustu leiðina í tímahrakinu.

Í skák hins reynslumikla Sveinbjarnar gegn hinum unga Oliver fékk svartur ágæta stöðu upp úr byrjuninni. Sveinbjörn tefldi kóngsbragð en Oliver lét f4 peðið eiga sig í nokkra leiki. Þegar á leið skákina hélst ungmenninu illa á peðum svo þeim fækkaði óeðlilega hratt í hans herbúðum. Reynslan hafði sigur að lokum. Því miður náði fréttaritari ekki að ráða að fullu í rúnirnar á skorblaði þeirra félaga og vantar því nokkra leiki í fylgiskjalið. Úr því verður vonandi bætt hið fyrsta.

Stöðu og pörun næstu umferðar má sjá neðar á síðunni.

http://chess-results.com/tnr158952.aspx?lan=1&art=2&rd=4&fed=ISL&wi=821

Veljið skák (39 alls):

Skákþing Akureyrar | Breytt s.d. kl. 18:26 | Slóð | Facebook | Athugasemdir (0)

Jón einn efstur eftir fjórar umferðir

Fimmtudagur, 5. febrúar 2015

Nánari upplýsingar um umferð kvöldsins í Norðurorkumótinu verða settar inn á morgun ásamt skákum úr umferðinni.

http://chess-results.com/tnr158952.aspx?lan=1&art=2&rd=4&fed=ISL&wi=821

1	1	Karason Askell O	2271	3	½ - ½	3	Thorhallsson Simon	1961	5
2	3	Thorgeirsson Jon Kristinn	2059	3	1 - 0	2	Haraldsson Haraldur	1957	6
3	11	Bjorgvinsson Andri Freyr	1754	2	0 - 1	2	Kristjansson Olafur	2118	2
4	7	Eiriksson Sigurdur	1923	1½	0 - 1	2	Olafsson Smari	1972	4
5	9	Sigurdsson Jakob Saevar	1806	1½	½ - ½	1½	Gasanova Ulker	1616	14
6	12	Steingrimsson Karl Egill	1734	1½	½ - ½	1½	Hrafnsson Hreinn	1502	16
7	13	Hallberg Kristjan	1662	1	0 - 1	1½	Johannesson Haki	0	19
8	15	Jonsson Logi Runar	1555	1	1 - 0	1	Halldorsson Hjorleifur	1905	8
9	10	Sigurdsson Sveinbjorn	1763	½	1 - 0	½	Olason Oliver Isak	0	20
10	17	Bjornsson Gabriel Freyr	0	½	0 - 1	½	Stefansson Benedikt	0	21
11	18	Eymundsson Eymundur	0	½	½		bye

Pörun liggur fyrir en fresta þarf 2 skákum.

http://chess-results.com/tnr158952.aspx?lan=1&art=2&rd=5&fed=ISL&wi=821

1	5	Thorhallsson Simon	1961	3½		4	Thorgeirsson Jon Kristinn	2059	3
2	4	Olafsson Smari	1972	3		3½	Karason Askell O	2271	1
3	2	Kristjansson Olafur	2118	3		2½	Johannesson Haki	0	19
4	6	Haraldsson Haraldur	1957	2		2	Steingrimsson Karl Egill	1734	12
5	15	Jonsson Logi Runar	1555	2		2	Sigurdsson Jakob Saevar	1806	9
6	16	Hrafnsson Hreinn	1502	2		2	Bjorgvinsson Andri Freyr	1754	11
7	7	Eiriksson Sigurdur	1923	1½		1½	Sigurdsson Sveinbjorn	1763	10
8	8	Halldorsson Hjorleifur	1905	1		1	Eymundsson Eymundur	0	18
9	20	Olason Oliver Isak	0	½		½	Bjornsson Gabriel Freyr	0	17
10	13	Hallberg Kristjan	1662	1	½		bye
11	14	Gasanova Ulker	1616	2	½		not paired
12	21	Stefansson Benedikt	0	1½	½		not paired

Skákþing Akureyrar | Breytt 6.2.2015 kl. 18:23 | Slóð | Facebook | Athugasemdir (0)

Pörun 4. umferðar

Mánudagur, 2. febrúar 2015

Í daglauk frestaðri skák úr 3. umferð Norðurorkumótsins með því að Hreinn Hrafnsson, sem stýrði hvítu mönnunum, sigraði Sveinbjörn Sigurðsson. Þar með er hægt að para fyrir 4. umferð. Áskell - Símon Jón Kristinn - Haraldur Andri – Ólafur Sigurður...

Lesa meira

Skákþing Akureyrar | Breytt 3.2.2015 kl. 20:47 | Slóð | Facebook | Athugasemdir (0)

Til hamingju, Mikki!

Sunnudagur, 1. febrúar 2015

Í dag lauk 84. Skákþingi Reykjavíkur. Þar áttu Skákfélagsmenn fjóra keppendur. Mikael Jóhann Karlsson kom manna mest á óvart í mótinu og endaði í 2. sæti á eftir alþjóðlega meistaranum Jóni Viktori Gunnarssyni. Mikael varð á undan stórmeistaranum Stefáni...

Lesa meira

Spil og leikir | Slóð | Facebook | Athugasemdir (1)

Norðurorkumótið

Sunnudagur, 1. febrúar 2015

Í dag fór fram 3. umferð Norðurorkumótsins, Skákþings Akureyrar 2015. Á 1. borði áttust við Haraldur og Áskell. Hvítur fékk örlítið betra út úr byrjuninni en svarta staðan var traust. Haraldur teygði sig of langt í sigurtilraunum sínum. Hann fórnaði...

Lesa meira

Skákþing Akureyrar | Breytt 3.2.2015 kl. 20:47 | Slóð | Facebook | Athugasemdir (0)

Mikki í stuði

Þriðjudagur, 27. janúar 2015

Eins og áður greinir hér á síðunni er 84. Skákþing Reykjavíkur í gangi þessa daganna. Fjórir félagar í SA taka þátt og má sjá árangur þeirra á þessari síðu http://chess-results.com/tnr157163.aspx?lan=1 Þetta eru þeir Óskar Long, Þór Valtýsson, Stefán...

Lesa meira

Spil og leikir | Breytt s.d. kl. 22:05 | Slóð | Facebook | Athugasemdir (0)

Fórnir í Sikileyjarvörn

Þriðjudagur, 27. janúar 2015

Fimmtudaginn 29. janúar flytur Sigurður Arnarson, skákkennari, fyrirlestur í Skákheimilinu um fórnir í Sikileyjarvörn. Hann mun skoða dæmigerðar fórnir eins og Rd5, Bxe6, Rf5 og Hxc3. Þrjár hinar fyrstu eru fórnir hvíts, en hin síðasta er fórn svarts....

Lesa meira

Spil og leikir | Slóð | Facebook | Athugasemdir (0)

Norðurorkumótið

Sunnudagur, 25. janúar 2015

Í dag fór fram 2. umferð Norðurorkumótsins, Skákþings Akureyrar. Úrslit urðu sem hér segir: Áskell – Hjörleifur 1-0 Jakob – Ólafur 0-1 Jón – Andri 1-0 Símon – Haki 1-0 Logi – Haraldur 0-1 Karl – Smári 0-1 Sigurður...

Lesa meira

Skákþing Akureyrar | Breytt 3.2.2015 kl. 20:48 | Slóð | Facebook | Athugasemdir (0)

Öfug aldursröð

Fimmtudagur, 22. janúar 2015

3. umferð TM-mótaraðarinnar fór fram í kvöld. 7 keppendur mættu og tefldu tvöfalda umferð, allir við alla, með 5 mín umhugsunartíma á hverja skák. Úrslitin voru býsna nærri því að vera í öfugri aldursröð. Þrír unglingar, Jón Kristinn, Símon Þórhallsson...

Lesa meira

Spil og leikir | Slóð | Facebook | Athugasemdir (0)

« Fyrri síða | Næsta síða »

Um félagið

Skákfélag Akureyrar

Skákfélag Akureyrar var stofnað 10. febrúar árið 1919 og er meðal elstu félaga á Akureyri.

Félagið aðstöðu í Skákheimilinu í Íþróttahöllinni - gengið inn að vestan (Þórunnarstrætismegin).

Áskell Örn Kárason er formaður félagsins.

Netfang formanns er askellorn115@gmail.com og þangað má koma upplýsingum og ábendingum um efni á heimasíðuna..

Efni

Skákfélag Akureyrar

Spennandi umferð framundan í Norðurorkumótinu

Jón efstur mætir Símoni næst

Jón einn efstur eftir fjórar umferðir

Pörun 4. umferðar

Til hamingju, Mikki!

Norðurorkumótið

Mikki í stuði

Fórnir í Sikileyjarvörn

Norðurorkumótið

Öfug aldursröð

Um félagið

Nýjustu færslur

Færsluflokkar

Sept. 2025

Myndaalbúm

Nýjustu myndir

Skákæfingar

Innskráning

Innskráning: