Mikki í stuði

Eins og áður greinir hér á síðunni er 84. Skákþing Reykjavíkur í gangi þessa daganna. Fjórir félagar í SA taka þátt og má sjá árangur þeirra á þessari síðu http://chess-results.com/tnr157163.aspx?lan=1

Þetta eru þeir Óskar Long, Þór Valtýsson, Stefán Bergsson og Mikael Jóhann Karlsson. Sérstök ástæða er til að vekja athygli á árangri þess síðastnefnda. Hann hefur 5,5 vinninga að loknum sjö umferðum og er með 46 skákstig í plús. Í síðustu tveimur umferðum hafur hann lagt af velli TR-ingana Þorvarð Ólafsson (2245) og Omar Salama (2282)

Mikki hefur nú 2077 alþjóðleg skákstig en árangur hans í mótinu er upp á 2390 stig.

Í næstu umferð mætir hann Degi Ragnarssyni sem teflt hefur vel á mótinu.

Myndin er af Mikael og Stefáni.