Fórnir í Sikileyjarvörn

Fimmtudaginn 29. janúar flytur Sigurður Arnarson, skákkennari, fyrirlestur í Skákheimilinu um fórnir í Sikileyjarvörn. Hann mun skoða dæmigerðar fórnir eins og Rd5, Bxe6, Rf5 og Hxc3. Þrjár hinar fyrstu eru fórnir hvíts, en hin síðasta er fórn svarts. Skoðaðar verða skákir með hetjum eins og Shirov, Anand, Tartakower, Reti, Naiditsch, Radjabov, Jobava, Volokitin, Gelfand o.fl. Aðgangur er öllum opinn og gefst áhorfendum tækifæri til að láta ljós sitt skína. Herlegheitin hefjast kl. 20.00. Heitt verður á könnunni.