Mótaröð á fimmdudagskvöld - Skákþingið í aðsigi!

Fyrsta mótið í TM-mótaröðinni 2020 verður háð fimmtudaginn 9. janúar og hefst kl. 20. 

Góð æfing fyrir Skákþingið sem hefst á sunnudag. Þegar eru níu skráðir:

Andri Freyr Björgvinsson

Robert H Thorarensen

Stefán G Jónsson

Gunnar Logi Guðrúnarson

Ólafur Jens Sigurðsson

Markús Orri Óskarsson

Eymundur Eymundsson

Karl Egill Steingrímsson

Uppskeruhátíð á laugardaginn!

Uppskeruhátíð fyrir haustmisseri verður nk. laugardag kl 13.00. Þar verða m.a. afhentar viðurkenningar og verðlaun, ekki síst fyrir Haustmót SA, þar sem fjölmargir unnu til verðlauna í ýmsum aldursflokkum (10 ára og yngri, 11-12 ára o.frv.)  Boðið verður upp á pizzu frá Sprettur-Inn og fleira góðgæti. 

Að venju höldum við barnamót í aðdraganda uppskeruhátíðarinnar. Það hefst kl 11 og svo pizzuveisla og afhendin verðlauna í beinu framhaldi. Vonandi koma sem flestir!

Skákþing Akureyrar 2020

83. Skákþing Akureyrar

hefst sunnudaginn 12. janúar kl. 13.00.

Teflt verður í Skákheimilinu í Íþróttahöllinni við Skólastíg.

  Tefldar verða sjö umferðir á mótinu, skv. eftirfarandi dagskrá:

1. umferð sunnudaginn 12.janúar    13.00     
2. umferð fimmtudaginn 16. janúar  18.00
3. umferð sunnudaginn 19. janúar   13.00
4. umferð fimmtudaginn 23. janúar  18.00
5. umferð sunnudaginn 26. janúar   13.00
6. umferð fimmtudaginn 30. janúar  18.00
7. umferð sunnudaginn 2. febrúar   13.00

 

Öllum er heimil þátttaka í mótinu. Sigurvegari mótsins hreppir heiðurstitilinn: *

„Skákmeistari Akureyrar 2020“

 

Fyrirkomulag:

Fyrirhugað er að skipta þátttakendum í mótinu í riðla eftir styrkleika. Riðlaskipting ræðst nokkuð af fjölda þátttakenda, en miðað er við að ekki verði fleiri en átta keppendur í riðli. Mótsstjóri getur þó gert minniháttar breytingar á þessu fyrirkomulagi ef hann telur það nauðsynlegt þegar fjöldi keppenda liggur fyrir.

Umhugsunartími í A-riðli verður 90 mínútur á skákina, auk þess sem 30 sekúndur bætast við tímann fyrir hvern leik (90+30).   Í B-riðli verður umhugsunartíminn 60-30.  

Þátttökugjald er kr. 3.000 fyrir skuldlausa félagsmenn, kr. 4.000 fyrir aðra. Þátttaka er ókeypis fyrir þá unglinga sem greitt hafa æfingagjald. 

Mótið verður reiknað til alþjóðlegra skákstiga.

Skráning er í netfangið [e-mail] eða á facebook síðu Skákfélags Akureyrar. Einnig er hægt að skrá sig á skákstað eigi síðar en 15 mínútum fyrir upphaf fyrstu umferðar.

* Skákmeistari Akureyrar getur aðeins sá orðið sem er búsettur á Akureyri og/eða er fullgildur félagi í Skákfélagi Akureyrar.