Mótaröðin, sjöunda lota

Teflt var 20. apríl og mættu 9 keppendur til leiks. Lokastaðan:
Andri Freyr      8
Sigurður         6,5
Markús Orri      6
Gabríel Freyr    5
Stefán           4,5
Gunnar Logi      3
Tobias           2
Sigþór           1
Kristian         0

Þessir hafa safnað flestum vinningum til þessa:

Sigurður Eiríksson    44,5
Áskell Örn Kárason    41,5
Stefán G Jónsson      33
Smári Ólafsson        26
Rúnar Sigurpálsson    23
Andri F Björgvinsson  17 

Lokamótið verður svo haldið fimmtudaginn 27. apríl. Sá sem safnar flestum vinningum telst sigurvegari mótaraðarinnar.   

Skákdagskráin í vor

Þessi mót eru framundan:
Fimmtudagur 27. apríl kl. 20.00   Mótaröðin, lokamót
Laugardagur 29. apríl kl. 13.00   Mánaðarmót barna fyrir apríl
Fimmtudagur 4. maí kl. 18.00      Bikarmótið
Fimmtudagur 11. maí kl. 18.00     Bikarmótið, frh.
Laugardagur 13. maí kl. 11-17     Svæðismót í skólaskák
Fimmtudagur 18. maí kl. 20.00     Opið hús   
Fimmtudagur 25. maí kl. 20:00     BSO-mótið
Föstudagur 26. maí kl. 16.30      Vormót barna, uppskeruhátíð. 

Æfingar í almennum flokki og framhaldsflokki halda áfram sem verið hefur til maíloka.         

Brekkuskóli bestur á landsbyggðinni!

Nú um helgina var Íslandsmót barnaskólasveita (4-7. bekk) og grunnskólasveita (8-10. bekk) háð í Rimaskóla í Reykjavík. 

Í yngri flokknum var sveitin skipuð piltum úr 6. bekk. Þeir höfðuðu í 10. sæti af 31 eftir að hafa verið í námunda við toppinn undir lok mótsins, en töpuðu í lokaumferðinni fyrir Vatnsendaskóla sem hafnaði í 2. sæti. Sérstök verðlaun voru veitt fyrir bestan árangur sveitar af landsbyggðinni og var Brekkuskólasveitin í nokkrum sérflokki meðal þeirra 10 sveita sem komu frá skólum utan höfðuborgarsvæðisins og vann þessi verðlaun.
Sveitina skipuðu þeir Sigurður Hólmgrímsson, Egill Ásberg Magnason, Helgi Kort Gíslason, Heiðar Gauti Leósson og Jesper Tói Tómasson. Sveitin fékk 18 vinninga í 32 skákum og náði Jesper Tói flestum vinningum í hús, eða 5. Sjá allt á chess-results.

Í eldri flokknum var sveitin skipuð fjórum piltum úr 8. bekk og hafnaði sveitin í 10. sæti af 20; fékk 13,5 vinninga af 28. Sveitina skipuðu þeir Tobias Þórarinn Matharel, Gunnar Logi Guðrúnarson, Goði Svarfdal Héðinsson og Hinrik Hjörleifsson. Þeir Gunnar Logi og Goði fengu báðir fjóra vinninga úr sjö skákum. 
Einnig hér fékk sveitin verðlaun fyrir bestan árangur landsbyggðarsveita, nú eftir harða baráttu við Flúðaskóla. Sveitirnar mættust í lokaumferðinni og gerðu 2-2 jafntefli sín á milli, eftir mað norðanpiltar höfðu misst af nokkrum tækifærum til að vinna viðureignina 4-0. Þessi úrslit dugðu þeim þó til að fá bikarinn eftirsótta. Hér má sjá allt á chess-results.

Við þetta má bæta að fyrr í vetur tók sveit stúlkna úr 5. bekk í þátt í Íslandsmóti stúlknasveita og náði þar tilskildum árangri; urðu efstar sveita utan af landi! Sveitina skipuðu þær Inga Karen Björgvinsdóttir, Yrsa Sif Hinriksdóttir, Unnur Erna Atladóttir, Hrafnheiður Guðmundsdóttir.

Það má því með sanni segja að Brekkuskóli hafi á að skipa öflugum skáksveitum.

Hér fylgja myndir af skáksveitunum; fyrst stúlkurnar, svo 6. bekkingar með glaðbeittum liðstjóra og loks unglingasveitin.