Markús Orri vann júnímótið

Skáklífið er með rólegra móti nú í sumar, a.m.k. hér á Akureyri. Við höldum þó a.m.k. eitt mót í mánuði. Júnímótið fór fram þann 22. Sjö keppendur mættu til leiks og tefldu tvöfalda umferð, alls 12 skákir hver keppandi. Úrslit:
Markús Orri Óskarsson      10
Sigurður Eiríksson          8,5
Stefán G Jónsson            8
Emil Sigurðarson            8
Helgi Snær Agnarsson        5,5
Slava Kramarenko og
Ýmir Logi Óðinsson          1

Æskan mun erfa landið, eins og allir vita. Sigur Markúsar Orra er merkilegur fyrir þær sakir að það gerist nú í fyrsta sinn í fjölmörg ár að fulltrúi æskumanna vinnur sigur á almennu móti. Markús hefur verið sigursæll á barnamótum og nú fer hann að leggja undir sig fullorðinsmótin líka!

Júlímótið en næst á dagskrá; fimmtudaginn 20. júlí. 

Mót í sumar

Eins og endranær er starfsemi Skákfélagsins með rólegasta móti yfir sumarmánuðina. Við munum þó efna til þriggja móta í sumar, a.m.k.
Þessi eru ákveðin:
Fimmtudaginn 22. júní kl. 20.00
Fimmtudaginn 20. júlí kl. 20.00
Fimmtudaginn 11. ágúst kl. 20.00
Við gerum ráð fyrir að tefld verði hraðskák þessi kvöld. Allir sem vettlingi geta valdið eru velkomnir (og líka öll hin!). Mótsgjald að venju kr. 700.

Stjórnin.

Lokaspretturinn á vormisseri.

Síðasta mótið á vormisserinu verður fimmtudaginn 25. maí, BSO-mótið. Tefld hraðskák að venju; mótið hefst kl. 20.
Þá eru síðustu barnaæfingar fyrir sumarfrí á fimmtudag (framhaldsflokkur).
Á föstudaginn sláum við upp úppskeruhátíð á æfingatíma í almennum flokki kl. 16.30. Þangað eru allir velkomnir. Eitthvað verða töflin dregin fram, svo er verðlaunaafhending og pizzuveisla.