Svæðismót í skólaskák 22. apríl

Svæðismót í skólaskák fyrir Norðurland eystra verður haldið hér á Akureyri (Rósenborg) mánudaginn 22. apríl kl. 16.30.

Teflt verður um titil svæðismeistara í þremur flokkum:
1-4. bekk
5-7. bekk
8-10. bekk

Börn keppa sem fulltrúar síns skóla og hver skóli getur sent a.m.k. einn keppanda í hvern flokk. Við hvetjum þau börn sem eru að æfa hjá okkur að taka þátt í þessu móti og eru þá skráð sem fulltrúar síns skóla.

Þetta er þannig ekki innanfélagsmót í Skákfélaginu, en félagið heldur mótið í umboði Skáksambands Íslands. Til mikils er að vinna, því sigurvegari í hverjum flokki fær þátttökurétt á Landsmótinu í skólaskák 4-5. maí, en það verður einmitt haldið hér á Akureyri. Ekki er loku fyrir það skotið að þau sem lenda í öðru sæti gætu líka fengið boð um þátttöku. 

Við gerum ráð fyrir að yngsti flokkurinn tefli á sér móti, en eldri flokkarnir tveir verði sameinaðir. Skákir keppenda í 5-10. bekk verða reiknaðar til alþjóðlegra skákstiga. 

Fjöldi umferða og lengd umhugsunartíma verður endanlega ákveðinn þegar keppendafjöldi liggur fyrir, en líklega verða tefldar atskákir í flokki 5-10. bekkjar (10 mín + á skákina) en hugsanlega eitthvað styttri tími hjá yngsta flokknum.  Gera má ráð fyrir að mótið geti tekið allt að tvo tíma. 

Fyrirframskráning er nauðsynleg og tilkynnist í netfangið [e-mail]. Mótsgjald verður innheimt, kr. 1000. Það má greiða á staðnum eða leggja inn á 0162-15-371421, kt. 590986-2169.