Firmakeppni – KPMG efst í A riðli.

Fyrsta lota í fyrstu umferð firmakeppninnar var tefld í kvöld. Þrettán skákmenn mættu til leiks og tefldu einfalda umferð, allir við alla.

Fjölmörg fyrirtæki hafa skráð sig til leiks og var því dregið um hvaða fyrirtæki komust að í fyrstu lotu. Þau fyrirtæki sem ekki komust að í 1. lotu verða áfram í pottinum og verður aftur dregið í 2. og 3. lotu þar til allir hafa tekið þátt. Efstu 3-5 (fréttaritari er ekki alveg með þetta á hreinu) fyrirtæki í hverri lotu halda svo áfram í úrslitakeppni þar sem teflt verður um titilinn.

Úrslit gærkvöldsins urðu á þá leið að Mikael Jóhann Karlsson sem tefldi fyrir hönd KPMG fékk flesta vinninga, eða 9,5. Vörubær (Áskell Örn) og Samherji (TómasVeigar) deila 2.-3. sætinu með 9 vinninga hvort og Bakaríið við brúna (Haki Jóhannesson) og Íslandsbanki (Sigurður Eiríksson) eru í 4.-5. sæti með 8,5 vinninga. Öðrum úrslitum er lýst hér að neðan. Vera kann að beita þurfi stigaútreikningi til þess að skera úr um hvaða fyrirtæki úr 1. lotu komast áfram.

Félaginu barst liðsauki frá Laut, athvarfi fyrir fólk með geðraskanir á Akureyri en, þeir Páll Jónsson, Stefán Júlíusson og Arnar Valgeirsson lögðu hönd á plóg og stóðu sig með mikilli prýði. Þeim er sérstaklega þökkuð þátttakan.

Næst verður teflt fimmtudaginn 31. mars (kl. 20) og eru menn sérstaklega hvattir til þátttöku. Ekkert þátttökugjald er í mótinu og eru allir velkomnir.

Næsta mót hjá félaginu er hins vegar skylduleikjamót með 10 mínútna umhugsunartíma n.k. sunnudag (27. mars) kl. 13.

Úrslit:

KPMG (Mikael Jóhann Karlsson)                             9,5
Vörubær (Áskell Örn Kárason)                                 9
Samherji (Tómas Veigar Sigurðarson)                       9
Bakaríið við brúna (Haki Jóhannesson)                     8,5
Íslandsbanki (Sigurður Eiríksson)                             8,5
Securitas (Smári Ólafsson)                                        7
Félag Málmiðnaðarmanna (Atli Benediktsson)         6,5
Íslensk verðbréf (Jón Kristinn Þorgeirsson)             6,5
Gullsmiðir (Ari Friðfinnsson)                                    5
Skíðaþjónustan (Haukur H. Jónsson)                         4
Raftákn (Stefán Júlíusson)                                        2,5
Ásprent (Arnar Valgeirsson)                                     1,5
Landsbankinn (Páll Jónsson)                                     0,5

 

	Firmakeppni - staðan
	A - riðill. (24. mars)	1. umferð
1	KPMG	9,5
2	Vörubær	9
3	Samherji	9
4	Bakaríið við brúna	8,5
5	Íslandsbanki	8,5
6	Securitas	7
7	Félag málmiðnaðarmanna	6,5
8	Íslensk verðbréf	6,5
9	Gullsmiðir	5
10	Skíðaþjónustan	4
11	Raftákn	2,5
12	Ásprent	1,5
13	Landsbankinn	0,5
	B - riðill (31. mars)
1
2
3
4
5
6
7
8
9
10
11
12
13
14
15