Andri Freyr jólasveinn SA 2019

Nú er sú tíð að Andri Freyr Björgvinsson vinnur flest af stærri mótum hér í höfuðstað Norðurlands. Nú var það Jólahraðskákmótið sem haldið var annan í jólum. Tólf keppendur mættu til leiks og var baráttan hörð og tvísýn um sigurinn milli Andra, Símonar Þórhallssonar, Sigurðar Arnarsonar og Stefáns Bergssonar. Aðrir komu í humátt þar á eftir. Lokastöðuna í mótinu má sjá hér.

Þess má geta að mótið var reiknað til alþjóðlegra hraðskákstiga.

Næst verpur blásið til hverfakeppninnar gamalkunnu þann 29. des. og svo brestur nýjársmótið á kl. 14 á fyrsta degi komandi árs.

Glæsilegt jólapakkamót - Robert vann allar

Í gær, föstudaginn 20. desember var haldið jólapakkamót fyrir þá krakka sem eru að æfa hjá skálfélaginu og vini þeirra. Alls mættu fjórtán þáttakendur og tefldu sexfalda umferð. Lokastaðan:

Röð	Nafn	vinn
1	Robert Thorarensen	6
2	Árni Jóhann Arnarsson	5
3	Arna Dögg Kristinsdóttir	4
4	Sigþór Árni Sigurgeirsson	3½
5	Gunnar Logi Guðrúnarson	3
	Baldur Thoroddsen	3
	Emil Andri Davíðsson	3
	Jökull Máni Kárason	3
	Tobias Þórarinn Matharel	3
10	Damian Jakub Kondracki	2½
	Alexía Lív Hilmisdóttir	2½
12	Kári Thoroddsen	2
13	Ólafur Hrafn Ottesen Bragason	1
14	Steinunn Erla Ottesen Bragadóttir	½

Jólapakkar voru veittir fyrir fystu fimm sætin. Fleiri pakkar leyndust reyndar í fórum mótshaldara og voru dregnir út pakkar fyrir hina níu keppendurna - þannig að enginn fór pakkalaus heim.  

Markús vann síðasta laugardagsmótið

Síðasta laugardagsmót haustmisseris var háð þann 14. des sl. Aðeins fimm keppendur mættu til leiks og var ákveðið að tefla tvöfalda umferð, alls átta skákir á mann. Markús Orri Óskarsson varð hlutskarpastur og vann allar sínar skákir: 

Markús Orri	8
Jökull Máni	5
Emil Andri	3
Gunnar Logi	2
Sigþór Árni	2