Netskákmót fyrir nemendur á Norðurlandi eystra

Nú þegar skóladagur er skertur og skákkennsla í skólum liggur niðri hefur Skáksamband Íslands í samvinnu við grunnskóla á Norðurlandi eystra ákveðið að blása til netskákmóta fyrir grunnskólanemendur. Mótin verða alla fimmtudaga og hefjast klukkan 16.30 og standa í klukkustund.

Öllum grunnskólanemum í bænum er heimil þátttaka í þessum mótum. Fyrsta mótið er nú á fimmtudaginn kemur 2. apríl kl. 16.30 og stendur í klukkustund.

Þátttaka er einföld, en teflt er á netþjóninum chess.com.

1. Búa til aðgang á chess.com (ef aðgangur er ekki til staðar nú þegar). Aðgangur er ókeypis og einfalt að búa til aðgang: https://www.chess.com/register

2. Gerast meðlimur í hópnum "Skólaskák Norðurland eystra" : https://www.chess.com/club/skolaskak-nordurland-eystra

3. Skrá sig á mótið sem er hægt að gera frá 60 mínútum áður en þau hefjast. Hér er tengill á fyrsta mótið: https://www.chess.com/live#r=176167
Það þarf að ýta á "join" og svo bara bíða eftir að fyrsta skák byrji klukkan nákvæmlega 16.30. Eftir hverja skák byrjar alltaf ný skák um leið, gegn nýjum andstæðingi. Einungis þarf að klikka á "next match" þegar skákin er búin.

Til að tefla í mótinu þarf að notast við fartölvu eða borðtölvu. Chess.com appið virkar ekki í mótum.

Hér má sjá almennar leiðbeiningar um hvernig má skrá sig á chess.com.

Mótin verða alla fimmtudaga næstu vikurnar og hefjast alltaf klukkan 16.30. Að ofan er tengill á fyrsta mótið en til að vera með í mótum á næstunni þarf einfaldlega að mæta á chess.com frá 15.0 á fimmtudögum og skrá sig í mótið í gegnum hópinn "Skólaskák Norðurland eystra".

Gylfi Þórhallsson látinn

Gylfi Þórhallsson, heiðursfélagi í Skákfélagi Akureyrar og fyrrverandi formaður félagsins lést í morgun eftir erfið veikindi.  

Gylfi var um áratuga skeið einn virkasti og öflugasti skákmeistari félagsins. Hann varð skákmeistari Akureyrar alls 13 sinnum og skákmeistari Skákfélags Akureyrar 9 sinnum. Hann vann ötullega að félagsmálum skákhreyfingarinnar; var formaður Skákfélagsins í 14 ár og sat í stjórn þess í nærfellt þrjá áratugi.   Hann naut virðingar fyrir störf sín og skákiðkun um allt land og var heiðraður fyrir störf sín af  Skáksambandi Íslands árið 2011.

Gylfi var fæddur 23. maí 1954.

Stjórn Skákfélags Akureyrar sendir aðstandendum Gylfa innilegustu samúðarkveður.  Hans verður sárt saknað af fjölmörgum skákvinum, bæði utan félags og innan.

Mót á chess. com helgina 28.-29. mars

Þá er komið að töku tvö í móthaldi S.A. á netinu. Þátttaka var með besta móti síðustu helgi og núna bætum við enn frekar í. Á dagskrá þessa helgina er tvö mót.

 

Laugardagurinn 28. mars klukkan 10:00 - Barna- og unglingamót - Tímamörk 4+2. 60 mínútúr Arena mót. (Þarf ekki að bíða eftir öllum skákum ljúki, ný byrjar strax.)

https://www.chess.com/live#r=174564

 

 

 

Sunnudagurinn 29. mars klukkan 13:00 - Opið fyrir alla - Tímamörk 4mín + 2sek - 7. umferðir

https://www.chess.com/live#t=1169383

Við tókum arena mót síðast. Núna ætlum við að prófa annað fyrirkomulag og munum í framhaldinu ákveða hvort mótafyrirkomulagið verður notað hér eftir.

 

HVAÐ ÞARF AÐ GERA TIL AÐ TAKA ÞÁTT?

Nýliðar þurfa að ganga í hópinn https://www.chess.com/club/skakfelag-akureyrar á Chess.com áður en keppnin hefst.

Tengill á mótin sjálf er hér að ofan, en þá má einnig finna í “Tournaments” flipanum á Chess.com/live áður en mótið hefst.

 

Hvetjum sem flesta félagsmenn til þátttöku!