Spútnik fór á loft

Mögnuð sveitakeppni var háð á vegum félagsins í síðustu viku. Ekki hefur fest nafn á þessa keppni, en meðal tillagna sem fram hafa komið er "Þristurinn" og "Þrenningin", jafnvel "Heilög þrenning".

Keppnin var með þvó sniði að útfendir voru fyrirliðar og safnaði hver fyrir sig í þriggja manna sveit. Skilyrpi voru þau að samanlögð stigatala liðsmanna mátti ekki fara yfir 5000 stig (hraðskákstig ef þau voru í boði, annars kappskákstig)og voru stigalausir þá reiknaðir með 1000 stig. Í flestum sveitum mun hafa verið einn stigalaus maður. Heildarúrslit urðu sem hér segir:

	lið	fyrirl	1	2	3	4	5	6	7	vinn
1	Spútnikar	Rúnar		2	2	2	2	2	3	13
2	Hrægammar	Áskell	1		3	2,5	1	2,5	2	12
3	Drangarnir	Eymundur	0	1		3	2,5	3	1	10,5
4	Móamunkar	Sig. A	1	0,5	0		2	1,5	2	8
5	Teamtaxi	Smári	1	2	0,5	1		1,5	2	8
6	Pepsimax	Elsa	1	0,5	0	1,5	1,5		3	7,5
7	Duranona	Andri	0	1	2	1	1	0		5

Í sigurliðinu voru þeir Rúnar Sigurpálsson, Hjörtur Steinbergsson og Óskar Jensson. Miskunnarlaus barátta var um sigurinn milli Spútnikanna og Hrægamma, sem höfðu forystu framan af, en máttu játa sig sigraða í lokaviðureigninni við sigurliðið. Þar voru innanborðs Áskell Örn Kárason, Karl Egill Steingrímsson og Grétar Þór Eyþórsson. Árangur á einstökum borðum var ekki færður til bókar, en þó er vitað að Rúnar vann allar skákir sínar á fyrsta borði og Grétar fékk 5,5 vinninga af sex á þriðja borði. Um annað borðið hefur fréttaritari ekki glöggar upplýsingar.

Þetta mót þótti með eindæmum vel heppnað og verður örugglega endurtekið, með sama sniði eða mjög svipuðu.