Skákþing Akureyrar hófst í dag

Keppendur eru 18 og tefla í tveimur flokkum. Úrslit í A-flokki:

Sigurður Eiríksson-Rúnar Sigurpálsson              0-1

Karl Egill Steingrímsson-Hjörleifur Halldórsson    1/2

Andri Freyr Björgvinsson-Stefán G. Jónsson         1-0

Gunnlaugur Þorgeirsson-Eymundur Eymundsson         frestað.

Sigurvegari í A-flokki verður Skákmeistari Akureyrar árið 2021. Fráfarandi meistari er Andri Freyr Björgvinsson, en stigahæsti keppandinn að þessu sinni er Rúnar Sigurpálsson, Akureyrarmeistari árið 2019.

 

Keppendur í B-flokki eru allir á grunnskólaaldri og tefla um tvo meistaratitla,  í unglingaflokki (f. 2005-2009) og í barnaflokki (f. 2010 og síðar). 

Úrslit fyrstu umferðar í B-flokki (fæðingarár í sviga)

Tobias Matharel(2009)-Brimir Skírnisson(2009)                  1-0

Markús Orri Óskarsson(2009)-Mikael Máni Jónsson(2007)          1-0

Gunnar Logi Guðrúnarson(2009)-Sigþór Árni Sigurgeirsson(2011)  0-1

Emil Andri Davíðsson(2009)-Alexía Lív Hilmisdóttir(2011)       1-0

Jökull Máni Kárason(2010)-Jóhann Valur Björnsson(2008)         1-0

 

Í báðum flokkum tefla allir-við-alla, sjö umferðir í A-flokki og níu í B-flokki. 

Sjá má úrslit og röðun í öllum umferðum á Chess-results.com:

A-flokkur  

B-flokkur

Önnur umferð verður tefld fimmtudaginn 4. febrúar og hefst kl. 18.00

 

Skákþing Akureyrar að hefjast

Skákþing Akureyrar, hið 84. í röðinni, hefst sunnudaginn 31. janúar kl. 13.00, Teflt verður í Skákheimilinu í Íþróttahöllinni við Skólastíg.

 

Fyrirkomulag mótsins mun að nokkru leyti mótast af fjölda þátttakenda.  Fyrirhugað er að teflt verði í tveimur riðlum A- og B-riðil og verði þátttakendum raðað í riðla eftir skákstigum. Sigurvegari B-riðils á á síðasta skákþingi á þó sjálfkrafa rétt til þátttöku í A-riðli, þar sem teflt verður um sæmdarheitið „Skákmeistari Akureyrar 2021“.  

Þá verður telft um tvo meistaratitla í yngri flokkum, þ.e. „Skákmeistari Akureyrar í unglingaflokki“ (börn fædd 2005-2009) og „Skákmeistari Akureyrar í barnaflokki“ (börn fædd 2010 og síðar). Um þessa titla verður teflt í B-riðli.

Í A-riðli er gert ráð fyrir átta keppendum og munu þeir tefla innbyrðis allir-við-alla, sjö umferðir. Í B-riðli verður gripið til röðunar skv. svissnesku kerfi ef fjöldi keppenda leyfir ekki að þar tefli allir-við-alla.

Umhugsunartími í A-riðli verður 90 mínútur á skákina, auk þess sem 30 sekúndur bætast við tímann fyrir hvern leik (90+30).   Í B-riðli verður umhugsunartíminn 60-30. 

Þátttökugjald er kr. 3.000 fyrir skuldlausa félagsmenn, kr. 4.000 fyrir aðra. Þátttaka er ókeypis fyrir þá unglinga sem greitt hafa æfingagjald. 

Mótið verður reiknað til alþjóðlegra skákstiga.

Skráning er í netfangið [e-mail] eða á facebook síðu Skákfélags Akureyrar. Einnig er hægt að skrá sig á skákstað eigi síðar en 15 mínútum fyrir upphaf fyrstu umferðar.

Dagskrá verður sem hér segir:

1. umferð sunnudaginn 31. janúar    kl. 13.00     
2. umferð fimmtudaginn 4. febrúar   kl. 18.00
3. umferð sunnudaginn 7. febrúar    kl. 13.00
4. umferð fimmtudaginn 11. febrúar  kl. 18.00
5. umferð sunnudaginn 14. febrúar   kl. 13.00
6. umferð fimmtudaginn 18. febrúar  kl. 18.00
7. umferð sunnudaginn 21. febrúar   kl. 13.00

Þegar fjöldi keppenda liggur fyrir getur mótsstjóri gert minniháttar breytingar á dagskrá og fyrirkomulagi til að auðvelda framkvæmd mótsins.

Þátttaka í mótinu er öllum heimil en Skákmeistari Akureyrar getur aðeins sá orðið sem er búsettur á Akureyri og/eða er fullgildur félagi í Skákfélagi Akureyrar. 

Núverandi Skákmeistari Akureyrar er Andri Freyr Björgvinsson.

Úrslit jólamóta

Löng hefð er fyrir því að halda hraðskákmót um jóladagana, Jólahraðskákmót SA. Þessi mót voru firnafjölmenn fyrr á árum, oft á þriðja tug keppenda.  Þar sem samkomutakrakanir komu nú í veg fyrir hefðbundið mótahald fór mótið nú fram á Netinu, á mótavefnum Tornelo.com þann 28. desember. Fimmtán keppendur hófu mótið og luku tólf þeirra mótinu. Það vill einkenna netmótin að fleiri keppendur heltast úr lestinni þegar líður á mót en þegar holdið er til staðar. Þá er afar sjaldgæft að þetta gerist. Hér kemur mótstaflan:

 

 

 

 

 

 

 

 

 

 

Hér urðu sumsé fjórir keppendur efstir og jafnir. Þeir deila því með sér heiðursnafnbótinni "Jólasveinn SA 2020".  Þetta mót var líka meistaramót félagsins í hraðskák (í stað Hausthraðskákmótsins). Í þeirri keppni sat Gauti Páll hjá, þar sem hann er í öðru félagi. Hinir þrír deila því meistaratitlinum, a.m.k. að sinni, en því varð ekki komið við að tefla til úrslita um titilinn, sem annars hefur verið venja. Hvort af slíkri keppni verður er óljóst.

Þann 30. desember var svo komið að hinni árlegu Hverfakeppni, sem um langt árabil hefur verið tefld á þessum degi. Lengi vel öttu fjórar sveitir kappi á þessu móti og skipuðust menn í sveit eftir búsetu í bænum. Hverfamörk voru ekki alltaf nákvæmlega þau sömu, en dæmigerð skipting gat verið þannig að ein sveit kom út Glerárhverfi, í einni sameinuðust Eyrarpúkar og Innbæingar og tvær sveitir komu af Brekkunni, gjarnan skipt um Þingvallastræti. Í seinni tíð hefur bænum verið skipt í tvennt, stundum um Glerá en svo hafa mörkin verið að færast suður eftir því sem fjölgað hefur syðst í bænum. Í þetta sinn var skipt um Þingvallastræti. Teflft var á vefnum Lichess.org og þeir sem bjuggu utanbæjar fengu sveitfesti með hliðsjón af síðasta heimilisfangi hér. Í þetta sinn var þátttakan ekkert yfirdrifin, en tvær sex manna sveitir áttust þó við. Hér má sjá úrslitin:

Suðurlið		Norðurlið
Skipt um Þingvallastræti
Andri Freyr Björgvinsson	29	Rúnar Sigurpálsson	21
Björn Ívar Karlsson	22	Pálmi Ragnar Pétursson	16
Áskell Örn Kárason	13	Stefán Bergsson	16
Óskar Long Einarsson	12	Símon Þórhallsson	13
Eymundur Eymundsson	8	Smári Ólafsson	10
Sigurður Eiríksson	6	Jóhann Skúlason	8

 Eins og sjá má fóru þeir Andri Freyr og Björn Ívar mikinn fyrir sunnanliði og tryggðu því sigur 90-84 þegar vinningar allra liðsmanna voru lagðir saman.