Rúnar Sigurpálsson skákmeistari Akureyrar í fimmta sinn

Rúnar vann skák sína í lokaumferðinni í dag og mótið með fullu húsi. Annar varð meistarinn frá því í fyrra, Andri Freyr Björgvinsson.

Sigurvegari í B-flokki varð Tobias Matharel, Markús Orri Óskarsson í öðru sæti. Tobias var jafnframt Akureyrarmeistari í unglingaflokki. Í barnaflokki bar Sigþór Árni Sigurgeirsson sigur úr býtum. 

Fleira ekki að sinni, lokastaðan og öll úrslit á chess-results.

Skákþingið; úrslit næstsíðustu umferðar.

Í kvöld, fimmtudag var tefld sjötta umferð í A-flokki. Þar urðu úrslit sem hér segir:

Andri-Gunnlaugur

Karl-Eymundur

Sigurður-Stefán

Skák Rúnars og Hjörleifs var frestað vegna veikinda Hjörleifs.

Rúnar er sem fyrr með fullt hús vinninga. Andri er með sömu vinningatölu en hefur teflt einni skák meira.

Í lokaumferðinni á sunnudag eigast þessir við:

Gunnlaugur-Rúnar

Eymundur-Andri

Stefán-Karl

Hjörleifur-Sigurður

Í B-flokki var tefld áttunda umferð og fór svo:

Markús-Sigþór              1-0

Tobias-Emil                1-0

Jökull Máni-Brimir         0-1

Mikael-Jóhann              0-1

Gunnar Logi-Alexía         1-0

Þeir Markús og Tobias berjast enn sem fyrr um sigurinn í B-flokki; hafa gert jafntefli sín á milli en unnið aðrar skákir. Aðrir eiga ekki möguleika á sigri í B-flokki. Þeir félagar berjast líka um Akureyrarmeistaratitilinn í unglingaflokki (f. 2009-2005). Mikael er sem stendur í þriðja sæti með 5 vinninga. Þeir Jökull Máni og Sigþór berjast svo um sigurinn í barnaflokki (f.2010 og síðar), en þeir mætast einmitt í lokaumferðinni á sunnudag.  Þá tefla einnig saman Markús og Jóhann, Brimir og Gunnar, Emil og Mikael og Alexía og Tobias.  

Lokaumferðin hefst sumsé á sunnudag kl. 13.00

 

Skákþingið: Úrslit frestaðra skáka.

Nú liggja fyrir úrslit í frestuðum skákum, sem hér segir:

A-flokkur

Rúnar-Stefán             1-0

B-flokkur

Jökull Máni-Gunnar       1-0

Emil-Gunnar              1-0

Allt er því klárt fyrir næstsíðust umferð á morgun, fimmtudag. Þá hefst taflið kl. 18. Lokaumferðin er svo á sunnudag kl. 13. 

Rúnar Sigurpálsson hefur forystuna í A-flokki með 5 vinninga; hefur unnið allar sínar skákir. Andri Freyr Björgvinsson er annar með fjóra vinninga.

Í B-flokki eru þeir Markús Orri Óskarsson og Tobias Matharel efstir og jafnir með 6,5 vinninga eftir sjö umferðir, hafa aðeins gert jafntefli sín á milli. Næstur kemur Mikael Máni Jónsson með 5 vinninga.

Að venju má finna stöðuna og öll úrslit á chess-results.