Skákþingið heldur áfram!

Eftir hlé vegna Íslandsmóts skákfélaga og ýmiskonar truflanir vegna Covid, efnum við til sjöundu umferðar Skákþings Akureyrar sunnudaginn 13. mars. Þá eigast þessir við:

1	4	1914		Olafsson Smari		FM	Sigurpalsson Runar	2279	10
2	5	1327		Karason Jokull Mani			Sigurgeirsson Sigthor Arni	1337	3
3	6	1654		Steingrimsson Karl Egill			Jonsson Stefan G	1749	2
4	7	2096		Bjorgvinsson Andri Freyr			Oskarsson Markus Orri	1384	1
5	8	1778		Eiriksson Sigurdur			Eymundsson Eymundur	1643	9

Eins og jafnan vonumst við eftir spennandi keppni og æsilegum skákum.

Rúnar vann toppslaginn

Nú hefur tekist að ljúka öllum skákum nema einni í sjöttu umferð skákþingsins. Allmargar frestaðar skákir bíða þó endaloka sinna.

Veiruskrattinn hefur haft mikil áhrif á framvindu mótsins, auk nokkurra frestana af öðrum orsökum (eins og gengur).

Sjötta umferð tefldist svo:

Rúnar-Sigurður        1-0

Eymundur-Andri        0-1

Stefán-Jökull Máni    1-0

Sigþór-Smári          0-1

Markús-Karl           frestað

Eftir þessi úrslit er Rúnar því einn efstur og hefur unnið allar sínar skákir, fimm að tölu. Sigurður, sem nú tapaði sinni fyrstu skák er í öðru sæti með fjóra vinninga, Stefán hefur þrjá og hálfan. Andri Freyr bíður svo færis með þrjá vinninga eftir jafn margar skákir og gæti því blandað sér verulega í toppbaráttuna ef hann kemst til að tefla þær. 

Einhver viðleitni verður höfð í frammi við að ljúka hinum frestuðu skákum, en það setur nokkurt strik í reikninginn að Andri Freyr er nú kominn til Noregs til að tefla í alþjóðlegu móti. Um þetta var kunnugt fyrirfram, en ekki búist við stórsókn GM Corona upp f-línuna eins og kom svo á daginn.

Svo nálgast nú Íslandsmót skákfélaga og kallar á hlé á skákþinginu um mánaðarmótin. Þetta er hinsvegar í vændum:

Fimmtudagur 24/2 kl. 18.00    Smári og Stefán

Sunnudagur  27/2 kl. 13.00    Eymundur og Jökull Máni

                               Markús og Karl

Öll úrslit og stöðuna nú má sjá á Chess-results.

 

Þungur róður á skákþinginu. Rúnar og Sigurður grimmastir.

85. Skákþing Akureyrar hófst þann 30. janúar sl. eins og fram kemur í síðustu færslu. Þegar þetta er ritað ættu með réttu að hafa verið tefldar fimm umferðir af níu og sú sjötta í vændum nú í kvöld. Þetta hefur þó ekki gengið eftir, sem einum stafar af veikindum nokkurra keppenda (pestin alræmda), en einhver forföll (eða frestanir) hafa líka orðið af öðrum orsökum. Aðeins hefur tekist að ljúka öllum skákum úr fyrstu tveimur umferðunum; einni er ólokið úr þriðju umferð; tveimur úr þeirri fjórðu og þremur úr þeirri fimmtu. Alls hefur sex skákum verið frestað og fleira í vændum af því tagi. Þannig er ákveðið að fresta allri sjöttu umferð, sem tefla átti kl. 18 nú í kvöld þann 17. febrúar, fram á sunnudag þann 20.
Allt mun þó verða gert til að ljúka mótinu, þótt ólíklegt sé að það náist að tefla lokaumferðina þann 17. mars samkvæmt dagskrá. 
Mótsstjóri stefnir að því að "hreinsa upp" sjö umferðir (þ.e. ljúka öllum skákum) áður en blásið verður til lokaumferðanna tveggja. Það mun ekki nást fyrr en eftir Íslandsmót skákfélaga þann 3-6. mars nk. 

Öll úrslit í mótinu má nálgast á úrslitasíðunni Chess-results (bara smella!). Þeir Sigurður Eiríksson og Rúnar Sigurpálsson hafa báðir unnið allar sínar skákir, fjórar að tölu og standa því hnarreistir í fylkingarbrjósti, alveg jafnfætis.  Staða annarra keppenda er sem hæer segir (fjöldi skáka í sviga).

Stefán G. Jónsson       2,5 (4)

Eymundur Eymundsson     2,5 (4)

Andri Freyr Björgvinss. 2   (2)

Smári Ólafsson          1,5 (4)

Karl Steingrímsson      1   (3)

Markús Orri Óskarsson   1   (4)

Jökull Máni Kárason     0   (3)

Sigþór Á Sigurgeirsson  0   (5)

Í næstu umferð (hinni sjöttu!) eigast þessir við:

Rúnar-Sigurður

Eymundur-Andri

Smári-Stefán

Markús-Karl

Stefán-Jökull

Sigþór-Smári