Andri Freyr vann BSO-mótið.

Hið árlega BSO-mót fór fram þann 5. maí sl. Sjö keppendur mættu til leiks og tefldu tvöfalda umferð. Úrslitin:

Andri Freyr Björgvinsson     10,5 af 12

Áskell Örn Kárason           10

Elsa María Kristínardóttir    6,5

Sigurður Eiríksson            6

Smári Ólafsson                5,5

Stefán G Jónsson              3,5

Hilmir Vilhjálmsson           0

Mót í Brekkuskóla

Skákfélagið hefur staðið að skákkennslu í þremur grunnskólum í bænum í vetur. Í Brekkuskóla var nú í maíbyrjun efnt til bekkjarmóta í fjórða og fimmta bekk.

Bekkjarmót fjórða bekkjar fór fram 3. maí. Þar voru keppendur 18 talsins og tefldu fimm skákir hver. Jóel Arnar Jónasson var fremstur í hópi jafningja, fékk 4,5 vinninga í skákunum fimm. Á hæla hans komu þeir Valur Ásgrímsson og Jóakim Elvin Sigvaldason með 4 vinninga. Hér sjáum við yfirlitsmynd frá mótinu og keppendahópinn þar sem sigurvegarinn hampar verðlaunagripnum.

 

 

 

Fimmtabekkjamótið var háð daginn eftir, 4.maí. Þar vor keppendur 12 talsins og bekkjarmeistari varð Egill Ásberg Magnason með 4,5 vinning í fimm skákum. Jöfn í öðru sæti með 4 vinningu urðu þau Alexía Lív Hilmisdóttir og Helgi Kort Gíslason. Hér sjáum við börnin niðursokkin í taflið og svo hinn bráðhressa keppendahóp að mótinu loknu þar sem bekkjameistarinn hampar bikarnum fyrir miðju.

Keppnin á báðum mótum var tvísýn og spennandi og keppnisandinn ótvíræður. Úrslitin réðust báða dagana á dramatískan hátt í síðustu umferð.

Vonir standa til þess að skákkennslunni verði haldið áfram á næsta skólaári og er stenft að því að skólinn taki þátt í Íslandsmóti grunnskóla á vormisseri 2023.   

BSO mótið á fimmtudag.

Hið árlega BSO-mót fer frá fimmtudaginn 5. maí nk. í Skákheimilinu. Taflið hefst kl. 20. Við teflum hraðskák.