Andri og Rúnar jólasveinar SA 2022

Hið árlega jólahraðskákmót SA fór fram í gær, 29. desember. Í þetta sinn var mótið haldið í Lyst, hinu magnaða veitingahúsi í Lystigarðinum hér á Akureyri. Sautján keppendur mættu til leiks og tefldu níu umferðir. Að vanda var baráttan hörð og lauk þannig að tveir stigahæstu keppendurnir urður efstir og jafnir. Sannkallaðir erkijólasveinar. Efstu menn:

Andri Freyr Björgvinsson (Skyrsleikir)   7,5
Rúnar Sigurpálsson (Gluggasníkir)        7,5
Áskell Örn Kárason                       7
Sigurður Arnarson                        6
Allmargir fengu svo fimm vinninga,þeir Karl Egill Steingrímsson,  Jakob Þór Kristjánsson, Skafti Ingimarsson, Sigurður Eiríksson, Stefán G Jónsson, Mikael Jóhann Karlsson og Smári Ólafsson. 

Tveir gamilr félagar létu sjá sig og var vel fagnað. Auk þess mættu nokkrir til leiks sem ekki hafa sést á mótum félagsins áður.  Segja má að skákmótahald í Lystigarðinum sé komið til að vera!

 

 

Jólamótin - hraðskákmótið í Lyst!

Mótadagskrá Skákfélagsins um hátíðarnar er hefðbundin og fastmótuð. Svo verður einnig þessi jólin, en þó bryddað upp á nýjung.

Börnin fengu sitt jólamót um daginn, en nú er röðin komin að hinum fullorðnu. Jólahraðskákmótið verður nú haldið í Lystigarðinum í samvinnu við veitingastaðinn Lyst. Það hefst kl. 20 fimmtudaginn 29. desember. Veitingar á sérstöku tilboðsverði fyrir þátttakendur. Mótsgjald er kr. 1.500 og mun renna óskipt til björgunarsveitarinnar Súlna. Við vonumst auðvitað eftir góðri þátttöku enda þetta mót tilvalið fyrir iðkendur sem sjást ekki á hverjum degi í Skákheimilinu. 

Daginn eftir, þann 30. desember for svo hin árlega Hverfakeppni fram. Þar verður skipt í lið eftir búsetu og helst gert ráð fyrir því að þeir sem búa í bænum norðanverðum etji kappi við þá sem búa í suðurhlutanum. Ekki ólíklegt að mörkin verði dregin um Þingvallastræti, en endanleg niðurstaða um það fæst þegar keppendahópurinn liggur fyrir. Liðsstjóri Liga Nord verður Smári Ólafsson, en fyrir Suðurbandalagið Áskell Örn Kárason. Áhugasamir eru beðnir að hafa samband við annan þeirra og láta vita. 
Hér hefst taflið einnig kl. 20.

Að endingu getum við svo um Nýjársmótið sem kann að henta árrisulum skákiðkendum. Það hefst á nýjársdag kl. 14. 

Glæsilegt jóla(pakka)mót 11. desember

Alls voru 18 börn mætt á jólamótið og tefldar voru sex umferðir með umhugsunartímanum 5-3. Keppt var til verðlauna í þremur aldursflokkum:
Yngst, (f. 2013 og síðar)
Mið, (f. 2011-2012)
Elst, (f. 2010 og fyrr).
Sigþór Árni byrjaði mótið af miklum krafti og hafði tryggt sér sigurinn þegar einni umferð var ólokið, en laut í lægra haldi fyrir Tobiasi í lokaumferðinni. Heildarúrslit:

röð	nafn	f.ár	vinn
1	Sigþór Árni Sigurgeirsson	2011	5
2	Tobias Matharel	2009	4½
	Damian Kondracki	2008	4½
	Jökull Máni Kárason	2009	4½
5	Sigurður Hólmgrímsson	2011	3½
	Heiðar Gauti Leósson	2011	3½
	Valur Darri Ásgrímsson	2012	3½
	Vjatsjeslav Leonov	2013	3½
9	Egill Ásberg Magnason	2011	3
10	Alexía Lív Hilmisdóttir	2011	3
11	Þröstur Gunnarsson	2013	3
12	Einar Ernir Eyþórsson	2011	3
13	Skírnir Hjaltason	2015	2½
14	Sindri Leo Broers	2016	2
	Jesper Tói Tómasson	2011	2
16	Iraklis Hrafn Theodoropoulos	2016	1½
	Kári Sæberg Magnason	2014	1½
18	Hörður Áki Ingarafnsson	2016	0

Verðlaunaskiptingin í aldursflokkunum þremur var sem hér segir:
Elst: Tobias, Damian og Jökull Máni.
Mið: Sigþór, Sigurður og Heiðar Gauti.
Yngst: Vjatsjeslav, Þröstur og Skírnir.

Að taflmennsku lokinni var boðið upp á klementínur, svala og piparkökur. Svalinn var vinsælastur. 
Síðan voru veitt verðlaun fyrir haustmisserið, m.a. fyrir besta æfingaástundun. Þau verðlaun féllu í skaut Sigþóri og Damian (framhaldsfl.) og Iraklis (almennur fl.) 
Margir foreldrar fylgdu börnum sínum og fylgdust með skákinni af áhuga. Virkilega skemmtilegur viðburður. 

Æfingar halda áfram þessa viku, en svo förum við í jólafrí. Æfingaáætlun á vormisseri verður birt bráðlega og verður væntanlega með svipuðu móti og á haustmisseri.