Atskákmót Akureyrar um helgina

Atskákmót Akureyrar er eitt af hinum lögbundnu meistaramótum sem félagið heldur. Það hefst sunnudaginn 20. nóvember og stendur í tvo daga. 
Umhugsunartími er 20-5, þ.e. hver keppandi fær 20 mínútur í upphafi og svo bætast 5 mínútur við fyrir hvern leik. 
Stefnt er að sjö umferða móti; fjórar skákir á sunnudegi og þrjár á mánudegi. Þátttaka ræður þó fjölda umferða, en væntanlega verða þær ekki fleiri en sjö og tæplega færri en sex.

Dagskrá:
Sunnudagur 20. nóvember kl. 13.00, 1-4. umferð.
Mánudagur 21. nóvember kl. 18.00, 5-7. umferð.

Þátttökugjald er kr. 1.500, en börn og unglingar (að 16 ára) eru undanþegin.

Teflt er um titilinn Atskákmeistari Akureyrar. Núverandi meistari er Rúnar Sigurpálsson. Ef tveir eða fleiri unglingar mæta til leiks verður meistaratitill í unglingaflokki einnig í boði. Iðkendur í framhaldsflokki og yngri iðkendur yfirleitt eru hvattir til að mæta; munum að æfingin skapar meistarann. 

Mótið verður reiknað til alþjóðlegra atskákstiga. 

Mótahald til áramóta

Mótaáætlun til ársloka lítur svona út:Athugið að felst mótin eru á fimmtudögum og hefjast kl. 20. 

27. október    10 mínútna mót
3. nóvember    hraðskákmót
10. nóvember   Skylduleikjamót
17. nóvember   Þrenningin-sveitakeppni U5000
20. og 21. nóvember Atskákmót Akureyrar. Teflt á sunnudegi og mánudegi.
1. desember hraðskákmót
8.desember Skemmtikvöld - skákkviss og teflt
29. desember Jólahraðskákmótið
30.desember Hverfakeppnin

Eins og ávallt eru mótin opin öllum áhugasömum. Borðgjald er nú kr. 700 fyrir mót sem klárast á einu kvöldi. Ekkert borðgjald í sveitakeppnum.
Börn sem greiða æfingagjal eru undanþegin borðgjöldum og þátttökugjöldum.

Rúnar hraðskákmeistari SA

Hefðirnar eru sterkar hjá Skákfélaginu. Ein þeirra er sú að Rúnar Sigurpálsson vinnur flest hraðskákmót félagsins - ef hann á annað borð tekur þátt. Í þetta sinn gerði hann það. 
Átta keppendur mættu til leiks á Hausthraðskákmótinu, sem fram fór í dag. Tefld var tvöföld umferð, alls 14 skákir. Nokkuð tvísýnt var um úrslit á efstu borðum, en hefðin hafði betur að lokum:
Rúnar Sigurpálsson       12
Andri Freyr Björgvinsson 11
Áskell Örn Kárason       10,5
Smári Ólafsson            7,5
Sigurður Eiríksson        6,5
Karl Steingrímsson        4,5
Stefán G Jónsson          3,5
Sigþór Árni Sigurgeirsson 0,5
Næsta mót; 10 mínútna mót nk. fimmtudag.