Alþjóðlega unglingamót Taflfélagsins Hellis 2008.

sunnudagur 3.feb.08

Mikael Jóhann Karlsson hlaut 2,5 vinning af 6 á alþjóðlega unglingamóti Taflfélags Hellis sem lauk í kvöld, og Gestur Vagn Baldursson fékk 1,5 v. Fjórir keppendur urðu jafnir og efstir með 4,5 vinning, 

en það voru, Jakob Aperia (1830) frá Svíþjóð, Berchtenbreiter Maximilian (2073) frá Þýskalandi, Morten Storgaard (1999) frá Danmörku og Sverrir Þorgeirsson, (2120) Íslandi. Mikael vann í síðustu umferð Hildi Berglindu Jóhannsdóttir, en Gestur tapaði fyrir Önnu Geirþrúðu Guðmundsdóttir.                Heimasíða.  http://hellir.blog.is/

Íslandsmót barna 2008.

Íslandsmót barna 2008.

sunnudagur 27.jan.08 18:04

Hildur Berglind Íslandsmeistari stúlkna og hægra megin við hana er Tinna Ósk Rúnarsdóttir

Íslandsmót barna tíu ára og yngri fór fram í Reykjavík í gær. Fjórir krakkar frá Skákfélagi Akureyrar tóku þátt í mótinu, og var árangur barnanna góður. Tinna Ósk Rúnarsdóttir (7 ára) varð í öðru sæti í stúlknaflokki tíu ára og yngri. Tinna Ósk hlaut 4,5 vinning úr átta skákum. Það var Hildur Berglind Jóhannsdóttir frá Taflfélagi Hellir sem varð Íslandsmeistari stúlkna, hún hlaut 5,5 v. Tinna Ósk varð í 33. sæti í mótinu og í 4. sæti í sínum aldursflokki fædd 2000. Andri Freyr Björgvinsson varð í 6. - 13. sæti með 6 vinninga. Það var dýrkeppt tap hjá honum í 5. umferð, þar sem hann var með gjörunnið tafl, hefði Andri Freyr sigrað þessa skák, voru góðar möguleikar fyrir hendi um verðlauna sæti. Andri Freyr vann í þrem síðustu umferðunum. Fannar Már Jóhannsson og Gunnar Eyjólfsson urðu í 17. - 32. sæti með 5 vinninga. Í sínum aldursflokki fædd 1998 var Fannar Már í 7. sæti og Gunnar í 9. Íslandsmeistari barna varð Kristófer Gautason úr Taflfélagi Vestmanneyja, hlaut 7,5 vinning. Alls voru um eitthundrað keppendur í mótinu.

Nýárshraðskákmótið 2008

miðvikudagur 2.jan.08

Sjö keppendur voru með á Nýárshraðskákmótinu og varð loka staðan þessi:

1.	Gylfi Þórhallsson	10 v. af 12.
2.	Tómas Veigar Sigurðarson	9
3.	Sigurður Eiríksson	8
4.	Sveinbjörn Sigurðsson	6
5.	Haki Jóhannesson	5,5
6.	Haukur Jónsson	3,5
7.	Hjörtur Snær Jónsson	1