Smári Ólafsson bar sigur úr býtum á 10 mínútna móti

Í gær fór fram 10 mínútna mót hjá félaginu. 13 skákmenn mættu til leiks og tefldu einfalda umferð, allir við alla.

Smári Ólafsson var hlutskarpastur keppenda og vann með 10 vinninga af 12 mögulegum. Ólafur Kristjánsson kom næstur með 9 vinninga og þrír keppendur deila 3.-5. sætinu með 8,5 vinninga hver.

Liðsauki barst úr ólíklegri átt, en Wylie Wilson sem er hér á landi í sumarfríi, heyrði af mótinu í flugvél á leið sinni til Akureyrar í gærmorgun og tók að sjálfsögðu stefnuna beint á félagsheimili SA.

Lokastaða efstu manna:

Smári Ólafsson                                  10 vinningar af 12
Ólafur Kristjánsson                            9
Jón Kristinn Þorgeirsson                    8,5
Sigurður Eiríksson                             8,5
Haki Jóhannesson                              8,5
Karl Steingrímsson                            8
Atli Benediktsson                              7

Mikael Jóhann endaði í 4.-10. sæti á Meistaramóti Skákskóla Íslands.

Mikael Jóhann Karlsson tók þátt í Meistaramóti Skákskóla Íslands sem fram fór um helgina. Mótið var gríðarsterkt, en til marks um það var stigahæsti keppandinn, Hjörvar Steinn Grétarsson, með 2456 stig.

Frammistaða Mikaels á mótinu var með ágætum, en eftir að hafa verið nokkuð brokkgengur í upphafi móts vann Mikael þrjár skákir í röð og endaði mótið á jafntefli við næst stigahæsta keppandann, Sverri Þorgeirsson (2279).

 

	Rd.	SNo		Name	Rtg	FED	Club/City	Pts.	Res.
1	23		Jonsson Gauti Pall	1218	ISL	TR	3.0	w 1
2	16		Johannesson Oliver	1559	ISL	Fjölnir	3.5	s 0
3	4		Thorsteinsdottir Hallgerdur	2010	ISL	Hellir	4.5	w 0
4	29		Kolica Donika	1000	ISL	TR	1.0	s 1
5	21		Jóhannesson Kristófer Jóel	1304	ISL	Fjölnir	2.0	w 1
6	12		Ragnarsson Dagur	1659	ISL	Fjölnir	4.0	s 1
7	2		Thorgeirsson Sverrir	2279	ISL	Haukar	4.5	w ½

 

Mótið hjá Chess-results

Gylfi Þórhallsson heiðursfélagi SÍ

Gylfi Þórhallsson, fyrrverandi formaður SA og stjórnarmaður í nálega 30 ár, var á aðalfundi Skáksambands Íslands 28. maí sl. kjörinn heiðursfélagi sambandsins.

Gylfi er öllum skákfélagsmönnum að góðu kunnur og hefur verið helsta driffjöðrin í starfi félagsins í ein 30 ár.

Félagsmenn Gylfa óska honum hjartanlega til hamingju með þessa viðurkenningu, sem löngu var tímabær.