Landsmótið í skólaskák:

Báðir titlarnir til Akureyrar!

Á landsmótinu í skólaskák sem lauk nú um hádegisbil í Síðuskóla bar Mikael Jóhann Karlsson sigur úr býtum í eldri flokki, en Jón Kristinn Þorgeirsson í þeim yngri. Báðir voru vel að sigrinum komnir. Mikael tók snemma forystu í mótinu og í gærkveldi þegar 9 af 11 umferðum höfðu verið tefldar hafði hann 1,5 vinnings forskot á næsta mann. Báðum skákum hans í dag lauk svo með jafntefli. Mikael fór taplaus í gegnum mótið og var í ákveðnum sérflokki. Þeir Hjörtur Snær Jónsson og Hersteinn Heiðarsson tefldu einnig í eldri flokki en náðu ekki að blanda sér í toppbaráttuna.
Í yngri flokki var keppnin afar jöfn og spennandi. Eftir tap Jóns Kristins í 2. umferð dróst hann um tíma aftur úr efstu mönnum, en náði forystunni með glæsilegum sigri á Oliver Johannessyni í 9. umferð og náði þá hálfs vinnings forskoti á Oliver. Hann vann svo báðar síðustu skákir sínar örugglega og þar með var titillinn í höfn. Aðalsteinn Leifsson náði einnig prýðilegum árangri á sínu fyrsta landsmóti og varð í miðjum hóði keppenda. Öll úrslit má sjá á Chess-results.

Chess-results: eldri flokkur
Chess-results: yngri flokkur
Myndir

Við skákfélagsmenn erum vitaskuld mjög stoltir yfir þessum glæsilega árangri og óskum þeim félögum hjartanlega til hamingju með sigurinn.

Skákfélagið tók að sét mótshaldið með stuttum fyrirvara og tókst það frábærlega með sameiginlegu átaki stjórnarmanna og foreldra. Aðkomumenn gistu í Síðuskóla og þar var einnig telft utan fyrstu 4 umferðirnar sem fóru fram í skákheimilinu. Félagið vill þakka öllum þeim sem lögðu hönd á plóg við undirbúning og framkvæmd mótsins, þ.m.t. Síðuskóla sem léði okkur aðstöðu og fyrirtækjunum Subway, Jóni Spretti, Mjólkursamsölunni, Norðlenska, Vífilfelli og Kristjánsbakaríi, sem gerðu okkur kleift að halda kostnaði við mótshald og uppihald keppenda í lágmarki.

Lokastaðan í eldri flokki

Rk.		Name	RtgN	Club/City	Pts.
1		Karlsson Mikael Johann	1835	Brekkuskóli, Norðurland Eystra	9.5
2		Ragnarsson Dagur	1659	Rimaskóli, Reykjavík	8.5
3		Kjartansson Dagur	1618	Hólabrekkuskóli, Reykjavík	7.0
4		Sigurdarson Emil	1824	Grunnskóli Bláskógabyggðar, Suðurla	7.0
5		Sigurdsson Birkir Karl	1594	Salaskóli, Reykjanes	7.0
6		Lee Gudmundur Kristinn	1802	Salaskóli, Reykjanes	6.5
7		Hardarson Jon Trausti	1628	Rimaskóli, Reykjavík	6.0
8		Hauksdottir Hrund	1497	Rimaskóli, Reykjavík	5.0
9		Kristinsson Kristinn Andri	1369	Rimaskóli, Reykjavík	4.5
10		Jonsson Hjortur Snaer	1390	Glerárskóli, Norðurland Eystra	3.0
11		Heidarsson Hersteinn	1260	Glerárskóli, Norðurland Eystra	1.5
12		Magnusson Asmundur Hrafn	0	Grunnskóli Egilstaða, Austurland	0.5

Lokastaðan í yngri flokki

Rk.		Name	RtgN	Club/City	Pts.
1		Thorgeirsson Jon Kristinn	1632	Lundaskóli, Norðurland Eystra	9.5
2		Johannesson Oliver	1559	Rimaskóli, Reykjavík	9.0
3		Johannesson Kristofer Joel	1304	Rimaskóli, Reykjavík	8.5
4		Stefansson Vignir Vatnar	1328	Hörðuvallaskóli, Reykjanes	7.5
5		Magnusdottir Veronika Steinunn	1389	Melaskóli, Reykjavík	7.0
6		Jonsson Gauti Pall	1218	Grandaskóli, Reykjavík	6.5
7		Thorsteinsson Leifur	1265	Melaskóli, Reykjavík	5.5
8		Leifsson Adalsteinn	0	Brekkuskóli, Norðurland Eystra	5.0
9		Palsdottir Soley Lind	1214	Hvaleyrarskóli, Reykjanes	3.5
10		Sverrisson Atli Geir	0	Egilsstaðaskóli, Austurland	3.0
11		Gylfason Saevar	0	Valsárskóli, Norðurland Eystra	1.0
12		Jozefik Filip Jan	0	Flúðaskóli, Suðurland	0.0