Andri Freyr Björgvinsson Skákmeistari SA 2019

Sögulegu Haustmóti SA er nú lokið. Alls voru þátttakendur 20 talsins, sem er með því mesta sem verið hefur síðustu ár. Einkum var ánægjulegt hversu margir ungir og upprennandi skákmenn tóku nú þátt og voru þar margir að heyja eldraun sína á alvöru skákmóti.  Andri Freyr, sem undanfarin ár hefur oft verið nærri því að landa stórum titlum, var nú öryggið uppmálað og vann allar sínar skákir, sjö að tölu. Hart var barist um næstu sæti og í baráttunni um silfrið urðu þau jöfn, Elsa María Kristínardóttir og Stefán G Jónsson. Þau geru jafntefli í hörkuskák sín á milli, en unnu aðrar skákir, fyrir utan viðureignina við Andra. Fimm og hálfur vinningur í hús hjá þeim. Fjórði varð hinn bráðefnilegi Arnar Smári Signýjarson með fimm vinninga. Heill vinningur var í næstu menn, en þeir Robert Thorarensen, Hilmir Vilhjálmsson, Eymundur Eymundsson og Sigurður Eiríksson hlutu allir fjóra vinninga. Sjá heildarúrslit hér á eftir.

nafn	stig	vinn
Andri Freyr Björgvinsson	2056	7
Elsa María Kristínardottir	1863	5,5
Stefán G Jónsson	1677	5,5
Arnar Smári Signýjarson	1481	5
Robert Thorarensen	0	4
Hilmir Vilhjálmsson	0	4
Sigurður Eiríksson	1810	4
Eymundur Eymundsson	1608	4
Arna Dögg Kristinsdóttir	1432	3,5
Fannar Breki Kárason	1370	3,5
Árni Jóhann Arnarsson	0	3
Markús Orri Óskarsson	0	3
Hjörleifur Halldórsson	1796	3
Heiðar Ólafsson	1257	3
Gunnar Logi Guðrúnarson	0	2,5
Gabríel Freyr Björnsson	1357	2,5
Sigþór Árni Sigurgeirsson	0	2
Emil Andri Davíðsson	0	2
Jökull Máni Kárason	0	2
Alexía Lív Hilmisdóttir	0	1

  

Haustmótinu að ljúka; lokaumferðin á sunnudag

Sjötta og næstsíðasta umferð haustmóts Skákfélags Akureyrar - sem er meistaramót félagsins - var tefld í gærkveldi, fimmtudag. Úrslit urðu sem hér segir:

Andri Freyr-Eymundur   1-0

Elsa-Stefán            1/2

Heiðar-Arnar Smári     0-1

Robert-Arna Dögg       1-0

Emil-Árni Jóhann       0-1

Hilmir-Markús          1-0

Gunnar Logi-Sigþór     1-0

Þeir Sigurður, Hjörleifur og Jökull Máni tóku allir yfirsetu í þessari umferð og fengu fyrir hálfan vinning.

Alexía sat hjá (án þess að sækja um yfirsetu sjálf) og hlýtur því heilan vinning fyrir.

 

Andri Freyr er efstur á mótinu sem fyrr og hefur nú þegar tryggt sér sigurinn og meistaratitil Skákfélagsins. Hann hefur sex vinninga, en þau Elsa og Stefán koma næst með fjóra og hálfan. Róbert, Arnar Smári og Sigurður Eiríksson koma svo næstir með fjóra vinninga. Öll úrslit og stöðuna í mótinu má finna á Chess-results. 

Haustmótið; Andri Freyr heldur forystunni

Fimmtu umferð haustmótsins lauk í gær. Miklar sviptingar voru í skákum á efstu borðum. Andri, sem unnið hefur allar skákir sínar til þessa, byggði upp vænlega stöðu gegn Arnari Smára, en fékk svo á sig óvæntan hnykk á ögurstundu. Hann mátti hafa sig allan við til að standast mátið. Báðir keppendur voru tæpir á tíma undir það síðasta, en að lokum hafði Andri þó betur. Robert tókst að vinna drottninguna af Elsu Maríu, sem fékk hrók í staðinn. Með stefrk biskupapar að vopni hóf hún samt kóngssókn, sem þó virtist ekki ýkja hættuleg. Það kom þó í ljós að Robert varð að fara gætilega og í hita leiksins lék hann sig í mát. Þá stóð hann enn til vinnings ef hef hann hefði fundið rétta leikinn. Þei Stefán og Eymundur tefldu þunga skák þar sem sá fyrrnefndi náði smám saman undirtökunum og vann nokkuð öruggan sigur. 

Úrslitin í heild sinni: 

Arnar Smári-Andri       0-1

Elsa María-Robert       1-0

Stefán-Eymundur         1-0

Arna Dögg-Sigurður      0-1

Markús-Hjörleifur       0-1

Emil-Gabríel            0-1

Árni Jóhann-Sigþór      1-0

Hilmir-Alexía           1-0

Þeir Heiðar, Gunnar Logi, Fannar og Jökull Máni tóku yfirsetu í þessari umferð.

Staðan á toppnum eftir fimm umferðir af sjö er þá sú að Amdri Freyr hefur 5 vinninga, Elsa og Stefán 4; Sigurður 3,5 og Robert, Eymundur, Arnar Smári og Fannar Breki hafa 3 vinninga. 

Í sjöttu umferð, sem tefld verður á fimmtudag og hefst kl. 18, eigast þessi við:

Eymundur-Andri

Elsa María-Stefán

Heiðar-Arnar Smári

Robert-Arna Dögg

Emil-Árni Jóhann

Hilmir-Markús

Gunnar Logi-Sigþór