Haustmótið; röðun annarrar umferðar

Önnur umferð haustmótsins verður tefld nk. fimmtudag og hefst kl. 18. Þá eigast þessi við:

Andri og Stefán

Arna Dögg og Smári

Sigurður og Emil

Markús Orri og Gunnar Logi

Alexía og Sigþór

Tobias og Jökull Máni

Brimir situr hjá

 

Haustmótið hafið - úrslit fyrstu umferðar

Þrettán keppendur skráðu sig til leiks á Haustmóti SA sem hófst í dag, 4. október. Í þessum eru alls níu keppendur á grunnskólaaldri og aldursmunur yngsta og elsta keppandans 66 ár. Skákin er svo sannarlega fyrir alla. Fátt bar til stórtíðinda í upphafsumferðinni og var stríðsgæfan greinilega reyndari keppendum hliðholl. Helst var það í skák Stefáns og Tobiasar að æskan léti til sín taka; sá síðarnefndi stóð heldur betur í tvísýnu miðtafli þegar hann lét af sér drottningunni og mátti gefast upp. Þannig fóru leikar:

Smári Ólafsson-Alexía Lív Hilmisdóttir              1-0

Gunnar Logi Guðrúnarson-Andri Freyr Björgvinsson    0-1

Jökull Máni Kárason-Sigurður Eiríksson              0-1

Emil Andri Davíðsson-Brimir Skírnisson              1-0

Sigþór Árni Sigurgeirsson-Arna Dögg Kristinsdóttir  0-1

Stefán G Jónsson-Tobias Matharel                    1-0

Markús Orri Óskarsson valdi yfirsetu                1/2

Sjá úrslit á chess-results  

Önnur umferð verður tefld á fimmtudag og hefst kl. 18. Röðun verður birt á morgun.

Haustmótið hefst 4. október

Hið árlega haustmót Skákfélags Akureyrar hefst sunnudaginn 4. október kl. 13.00.

Fyrirhugað er að tefla sjö umferðir eftir svissneska kerfinu, ef fjöldi þátttakenda leyfir.

Ef þátttaendur verða 10 eða færri, munu allir tefla við alla og fjöldi umferða sem því nemur. 

Dagskrá verður endanlega ákveðin þegar skráningar liggja fyrir, en fyrirhugað er að tefla tvisvar í viku, á sunnudögum kl. 13 og á fimmtudögum kl. 18.  Hlé verður gert á mótinu meðan Skákþing Norðlendinga stendur fyrir á Húsavík, helgina 23-25. október.

Umhugsunartími 90-30.

Skráning er hjá formanni félagsins í [e-mail], með skilaboðum á Facebook síðu félagsins eða á skákstað, í síðasta lagi 15. mínútum fyrir upphaf fyrstu umferðar. 

Þátttökugjald á mótið er kr. 3.000 fyrir félagsmenn, kr. 4.000 fyrir aðra. Eins og áður eru börn á grunnskólaaldri undanþegin þátttökugjaldi.

Mótið reiknast til alþjóðlegra og íslenskra skákstiga.

Haustmótið er meistaramót Skákfélags Akureyrar.   Núverandi meistari er Andri Freyr Björgvinsson.