Mætum á aðalfund!

Aðalfundur Skákfélagsins er á morgun, sunnudag og hefst kl. 13. Með örfáum undantekningum þykja aðalfundir félaga heldur daufar samkomur og eru fámennar. Lög okkar félags tiltaka að a.m.k. 10 manns þurfi að mæta á aðalfund svo hann sé gildur; annars þarf að boða til han á ný. Þetta hefur stundum staðið tæpt á undanförnum árum.

Að venju tekur afgreiðsla helstu mála aðalfundar ekki langan tíma. Formaður flytur skýrslu um það helsta á síðasta starfsári og reikningar eru birtir. Umræða um þessa liði er oftast lítil. Þá er formaður kjörinn og svo ný stjórn. Fátítt er að kjósa þurfi milli manna. Fundurinn getur gert breytingar á lögum félagsins, en tilögur um slíkt þurfa að vera heyrinkunnar með fyrirvara. Núvernadi lög hafa verið óbreytt um árabil og engin lagabreytingartillaga liggur fyrir nú. Í lokin er umræða um önnur mál á dagskránni.

Ástæða er til að minna á að aðalfundur hefur æðsta ákvörðunarvald í málum félagsins og þarf gefst félagsmönnum tækifæri til að koma með tillögur og ábendingar. Það er örugglega full ástæða til þess nú, á tímum mikilla breytinga en um leið vissrar stöðnunar í hefðbundnu skákstarfi. Hvert stefnum við og á hvað skal lögð áhersla nú? Eg vil því hvetja félagsmenn og aðra áhugasama til að mæta á fundinn. Yngri iðkendur og/eða foreldrar þeirra eru þannig líka velkomnir og geta allir tekið til máls þótt nafn þeirra sé e.t.v. ekki á félagaskránni. 

Þrátt fyrir COVID ætti að geta farið vel um alla og verður reynt að gæta að reglunni um metersbil milli fólks. Borð og aðrir snertifletir eru vel sótthreinsuð og í þetta sinn bíðum við með kaffiveitingar, en fundargestir geta tekið með sér eigin veitingar. 

Í viðhengi má finna tvær skrár sem þá liggja fyrir fundinum; Fundargerð aðalfundarins í fyrra og reikninga félagsins fyrir síðasta fjárhagsár.  Síðar í dag mun svo skýrsla formanns um störf stjórnar og félagsins á síðasta starfsári bortast hér á heimasíðunni. 

 

Skrár tengdar þessari bloggfærslu:

• Aðalfundur 2019
• Reikningar 2018-19