Skýrsla stjórnar fyrir aðalfund 2020 - úrslit helstu móta.

Skákfélag Akureyrar starfsárið 2019-2020:

 (skýrsla lögð fyrir aðalfund félagsins 27. september 2020)

Nýliðið starfsár kom í kjölfar afmælisársins sem og þeirrar viðamiklu dagskrár sem tengdist aldarafmæli félagsins þann 10. febrúar 2019. Eins og oft vill verða kom ákveðin lægð í félagsstarfið eftir hin kraftmiklu hátíðarhöld. Ennfremur höfðu samkomutakmarkanir vegna COVID-19 mikil áhrif á félagsstarfið frá miðjum mars sl. og gætir þeirra áhrifa enn.

Almennt dró heldur úr þátttöku hinna ráðsettari skákiðkenda í starfi félagsins sem má lýsa með því að sumir tefla minna en áður og aðrir hafa flutt burt úr bænum, en fáir nýir hafa bæst við í staðinn. Barnastarf hefur hinsvegar verið heldur vaxandi og þátttaka ungra iðkenda í hinum stærri mótum félagsins, s.s. Haustmóti og Akureyrarmóti er fagnaðarefni. Af þeim sökum telfdu fleiri á þessum mótum nú en undanfarin ár. 

Af störfum stjórnar er það að segja að formlegir stjórnarfundir voru með fæsta móti eða átta talsins og má ætla að COVID hafi haft þar einhver áhrif. Stjórnarmenn hafa hinsvegar mikið samráð sín á milli á Netinu. Hugsanlega þyrfti að formgera þessi samkipti frekar.

Þær fregnir eru af húsnæðismálum félagsins, að vegna húsnæðisvanda bæjarstofnana sem til er kominn vegna lokunar stórs hluta Lundarskóla vegna myglu, varð félagið að láta af hendi annan af þeim sölum sem það hefur haft á leigu hér í Íþróttahöllinni; þannig að nú fer öll starfsemi þess fram í Norðursal. Umrætt er að Suðursalurinn fáist aftur leigður þegar endurbótum á Lundarskóla lýkur fyrir haustið 2022 og verður að vona að þau áform gangi eftir.

 

BARNA- OG UNGLINGASTARF

Veturinn 2019-2020 voru skákæfingar félagsins tvær í viku, á mánudögum fyrir yngri börn og byrjendur, í umsjá Elsu Maríu Kristínardóttur og Hilmis Vilhjálmssonar og á miðvikudögum fyrir framhaldsflokk í umsjá Sigurðar Arnarsonar og Andra Freys Björgvinssonar. Má ætla að um 30 börn hafi tekið þátt í þessum æfingum. Þá var haldið úti skákæfingum í þremur grunnskólum bæjarins undir merki Skákskóla Norðurlands. Áskell Örn Kárason sá um þessar æfingar og má ætla að um 300 börn í 3-5. bekk hafi fengið einhverja nasasjón af manntafli með þessu móti sl. vetur. Haldin voru a.m.k. sjö barnamót. Skráðir sigurvegarar á barnamótum voru þau Arna Dögg Kristinsdóttir, Jökull Máni Kárason, Markús Orri Óskarsson, Robert Heiðar Thorarensen og Tobias Matharel.  Æfingar og mótahald féll niður í tæpa tvo mánuði á vormánuðum vegna COVID. Þá voru haldin tvö mót á Netinu, auk þess sem okkar fólk tók þátt í Landsmótinu í skólaskák sem einnig var teflt á Netinu. Þar varð Markús Orri umdæmismeistari í yngri flokki.

Þess má geta að æfingar hófust á ný nú í septemberbyrjun og með aðeins breyttu sniði frá því í fyrra. Eru nú fjórar æfingar í viku, á mánudögum, þriðjudögum, miðvikudögum og föstudögum og hafa áhugasömustu börnin tækifæri á að mæta á æfingar 2-3 sinnum í viku hverri. Enn sem komið er hefur þátttaka þó verið heldur minni en vænst var til,  en það hefur áður gerst að æfingar fara hægt af stað á haustin. Þá er skákkennsla í skólum hafin á ný, í Brekkuskóla, Lundarskóla og Síðuskóla eins og í fyrra, auk þess sem nú er einnig kennt í Hrafnagilsskóla.

Geta má þess að nokkrir piltar úr 5. bekk í Brekkuskóla hafa að eigin frumkvæði hist vikulega í Skákheimilinu til að tefla og leiðbeina bekkjarsystkinum sem skemmra eru komin á skákbrautinni. Þá voru þau Arna Dögg og Markús Orri nýlega valin í unglingalandslið sem keppti á Evrópumóti ungmenna sem haldið var á Netinu um síðustu helgi (18-20. sept.) og stóðu sig með prýði gegn mjög sterkum andstæðingum. Þá skal þess getið hér að Íslandsmót ungmenna (að 16 ára aldri) verður haldið hér á Akureyri þann 17. október nk. og verður sá viðburður að teljast alger hvalreki á fjörur okkar yngri flokka starfs.

  

ÚRSLIT MÓTA

Haustmótið hófst 22. september og stóð yfir í mánaðartíma. Tefldar voru sjö umferðir með svissnesku kerfi.  Heildarúrslit,  (í sviga getið um sigurvegara í hverjum hinna yngri aldursflokka):

 

Andri Freyr Björgvinsson	2056	7
Elsa María Kristínardottir	1863	5,5
Stefán G Jónsson	1677	5,5
Arnar Smári Signýjarson	1481	5
Robert Thorarensen	0	4   (15-16 ára)
Hilmir Vilhjálmsson	0	4
Sigurður Eiríksson	1810	4
Eymundur Eymundsson	1608	4
Arna Dögg Kristinsdóttir	1432	3,5 (11-12 ára)
Fannar Breki Kárason	1370	3,5 (13-14 ára)
Árni Jóhann Arnarsson	0	3
Markús Orri Óskarsson	0	3 (10 ára og yngri)
Hjörleifur Halldórsson	1796	3
Heiðar Ólafsson	1257	3
Gunnar Logi Guðrúnarson	0	2,5
Gabríel Freyr Björnsson	1357	2,5
Sigþór Árni Sigurgeirsson	0	2
Emil Andri Davíðsson	0	2
Jökull Máni Kárason	0	2
Alexía Lív Hilmisdóttir	0	1

 

Hausthraðskákmótið, 26. október

1 FM Rúnar Sigurpálsson      14  Hraðskákmeistari SA 2019
2 Andri Freyr Björgvinsson   13½
3 Smári Ólafsson             12½
4 Elsa María Kristínardóttir 12
5 Sigurður Eiríksson         11
6 Hjörtur Steinbergsson      10
7 Haki Jóhannesson            9½
8 Óskar Jensson               8½
9 Robert Thorarensen          8
10 Hilmir Vilhjálmsson        5½
11 Markús Orri Óskarsson      4
12 Arna Dögg Kristinsdóttir   4
13 Árni Jóhann Arnarsson      3½
14 Sigþór Árni Sigurgeirsson  3
15 Damian Jakub Kondracki     1
16 Alexía Lív Hilmisdóttir    0

 

 

Atskákmót Akureyrar 7-10. nóvember 2019

		stig	vinn
1	Bjorgvinsson Andri Freyr	1809	5,5
2	Jonsson Stefan G	1725	5
3	Olafsson Smari	1999	5
4	Steingrimsson Karl Egill	1717	4,5
5	Sigurdarson Tomas Veigar	2048	4
6	Steinbergsson Hjortur	1743	4
7	Thorarensen Robert	1589	4
8	Eiriksson Sigurdur	1865	3,5
9	Oskarsson Markus Orri	0	2,5
10	Kristinsdottir Arna Dogg	1382	2
11	Arnarsson Arni Johann	1324	2
12	Gudrunarson Gunnar Logi	0	0

 

Andri Freyr er því Atskákmeistari Akureyrar 2019.

Mótaröð að hausti

var tefld í sex lotum frá því í september og fram í desember. Þessi mótaröð hefur lengi notið mikilla vinsælda, en dregið hefur úr þeim hin seinni ár. Engu að síður skemmtileg og spennandi keppni. Í þetta sinn náði Hjörtur Steinbergsson að raka saman flestum vinningum. Næst honum kom Elsa María Kristínardóttir, sjónarmun á undan Andra Frey Björgvinssyni.

 

Af hinum hefðbundnu jólamótum er það að segja, að Andri Freyr vann Jólahraðskákmótið, meðan Róbert Heiðar Thorarensen bar sigur úr býtum á jólapakkamóti yngri kynslóðarinnar.    Hverfakeppnin var haldin með svipuðu sniði og áður, þó með endurskoðaðri hverfaskiptingu. Teflt var á 9 borðum og var önnur sveitin skipuð keppendum af efri Brekku (ofan Mýrrarvegar) og úr Glerárþorpi sem öttu kappi við fulltrúa annarra bæjarhluta. Vann fyrrnefnda félagið nauman sigur, bæði í atskákarhlutanum (5-4) og hraðskákinni (45-36).  Nýjársmótið var svo á hefðbundnum tíma (þ.e. á nýjársdag). Þá mættu 10 keppendur til leiks og féll sigurinn í skaut Andra Freys.

 

 

Skákþing Akureyrar 2020

Skákþingið hófst að venju snemma í janúar og lauk í febrúar og var nú teflt um meistaratitilinn „Skákmeistari Akureyrar“ í 84. sinn. Í þetta sinn var keppendahópnum skipt í tvo riðla eftir skákstigum og má segja að það fyrirkomulag hafi reynst vel. Andri Freyr bætti enn einni skrautfjöðrinni í hatt sinn með sínum fyrsta Akureyrarmeistaratitli.

A-flokkur

		stig	1	2	3	4	5	6	7	8	vinn
1	Bjorgvinsson Andri Freyr	2083	*	0	1	1	1	1	1	1	6
2	Jonsson Stefan G	1725	1	*	1	0	1	½	0	½	4
3	Olafsson Smari	1923	0	0	*	1	½	½	1	1	4
4	Steingrimsson Karl Egill	1617	0	1	0	*	½	½	1	½	3,5
5	Eiriksson Sigurdur	1790	0	0	½	½	*	½	1	½	3
6	Halldorsson Hjorleifur	1775	0	½	½	½	½	*	½	½	3
7	Kristinardottir Elsa Maria	1872	0	1	0	0	0	½	*	1	2,5
8	Eymundsson Eymundur	1601	0	½	0	½	½	½	0	*	2

 

B-flokkur

		stig	vinn
1	Sigurdsson Olafur Jens	0	6
2	Thorarensen Robert	1589	5
3	Kristinsdottir Arna Dogg	1382	5
4	Arnarsson Arni Johann	1399	5
5	Karason Jokull Mani	0	4
6	Oskarsson Markus Orri	1382	4
7	Davidsson Emil Andri	0	3
8	Sigurgeirsson Sigthor Arni	0	3
9	Matharel Tobias	0	3
10	Gudrunarson Gunnar Logi	0	2
11	Kristinsdottir Hulda Run	0	2
12	Hilmisdottir Alexia Liv	0	0

 

Robert sigraði þau Örnu Dögg og Árna Jóhann í aukakeppni um sigurinn í unglingaflokki og Markús Orri vann Jökul Mána í einvígi þeirra um sigurinn í barnaflokki.

 

Mótaröð að vori

Tefldar voru sex lotur af þeim átta sem fyrirhugaðar voru, sú sjötta þann 13. mars, en eftir það féll allt mótahald niður vegna COVID.  Rúnar Sigurpálsson var efstur í röðinni eftir þessar sex lotur.

Eins og áður sagði fluttist nú allt skákmótahald yfir á Netið og voru haldin nokkur mót á vegum félagsins næstu vikur, almenn mót jafnt og barnamót.  Þessi mót voru yfirleitt mjög vel sótt, enda höfðu þá félagar okkar sem dveljast eða búa utanbæjar líka tækifæri til þátttöku. Meðal sigurvegara á almennum hraðmótum voru Símon Þórhallsson og Arnar Þorsteinsson.

Þá tók Skákfélagið tók þátt í sveitakeppni norrænna skákfélaga fyrri hluta aprílmánaðar og náði þar mjög eftirtektarverðum árangri, 4. sæti af 67 liðum, aðeins hársbreidd frá bronsverðlaunum. Þess má geta að allar aðrara sveitir sem höfnuðu í efstu sætum tefldu fram einum eða fleiri stórmeisturum.  Teflt var á sex borðum í hverri viðureign og fyrir hönd SA tóku þátt þeir Björn Ívar Karlsson, Jón Kristinn Þorgeirsson, Rúnar Sigurpálsson, Halldór Brynjar Halldórsson, Arnar Þorsteinsson, Símon Þórhallsson, Áskell Örn Kárason, Andri Freyr Björgvinsson og Stefán Bergsson. Liðsstjóri var sá síðastnefndi. 

 

Önnur skákmót

Bryddað var upp á skemmtilegri nýjung með sveitakeppni með nýju sniði þann 5. mars.  Þar völdu útnefndir fyrirliðar tvo menn með sér í þriggja manna sveit með þeim skilmálum að samanlögð stigatala í sveitinn mætti ekki fara yfir 5000 stig og voru stigalausir þá reiknaðir með 1000 stig. Með þessu móti tókst að fá ýmsa „glataða snillinga“ til keppni, þ.e. skákmenn sem kunnu ýmislegt fyrir sér en höfðu sjaldan sést á reglulegum mótum félagsins. Alls náðust saman sjö sveitir og tefldu innbyrðis, allar við allar. Úrslit urðu þessi:

	lið	fyrirl	1	2	3	4	5	6	7	vinn
1	Spútnikar	Rúnar		2	2	2	2	2	3	13
2	Hrægammar	Áskell	1		3	2,5	1	2,5	2	12
3	Drangarnir	Eymundur	0	1		3	2,5	3	1	10,5
4	Móamunkar	Sig. A	1	0,5	0		2	1,5	2	8
5	Teamtaxi	Smári	1	2	0,5	1		1,5	2	8
6	Pepsimax	Elsa	1	0,5	0	1,5	1,5		3	7,5
7	Duranona	Andri	0	1	2	1	1	0		5

Í sigurliðinu voru þeir Rúnar Sigurpálsson, Hjörtur Steinbergsson og Óskar Jensson.

Þann 11. og 12. júlí sl. var haldin sumarskákhátíð á Akureyri í samvinnu við Skáksamband Íslands og Miðbæjarskák í Reykjavík. Nokkur fjöldi skákmanna kom að sunnan og keppendur alls á þriðja tug. Fyrri daginn var teflt í Listasafi Akureyrar og þann síðari í Skákheimilinu. Hegli Áss Grétarsson stórmeistari vann bæði mótin.

Af þátttöku í utanfélagsmótum má nefna að í nóvember tefldi Áskell Örn Kárason á heimsmeistaramóti öldunga 65 ára og eldri í Rúmeníu og hafnaði í 20. sæti af 192 keppendum. Þá tók félagið að venju þátt í Íslandsmóti Skákfélaga sl. haust og sendi fjórar sveitir til keppni. A-sveit tefldi í 1. deild, B-sveit í 2. deild, öldungasveit í þeirri þriðju og unglingasveit í fjórðu deild. Var árangur sveitanna eftir flyrri hluta keppninnar eftir væntingum. Síðari hluta mótsins sem fara átti fram um miðjan mars var hinsvegar frestað og er nú áætæað að mótinu ljúki í mars 2021. Vegna breytinga á deildaskiptingunni, sem felst m.a. í stofnun Úrvalsdeildar og fjölgun deilda úr fjórum í fimm, verður barátta um sæti meira áberandi nú en áður. A-sveitin á þannig í harðri baráttu um sæti í sex svita Úrvalsdeild, B-sveitin um sæti í 1. deild og öldungasveitin um sæti í 2. deild. 

Þess má geta, að Skákþing Norðlendinga, sem jafnan er getið um í samantekt þessari, hefur ekki enn farið fram á þessu ári, en er fyrirhugað á Húsavík dagana 23-25. október nk. Það mót var fyrst haldið árið 1935 og hefur aldrei fallið niður.

 

ANDLÁT GYLFA ÞÓRHALLSSONAR

Eg lýk þessari samantekt með því að minnast á fyrrum félaga vorn, formann félagsins um langt árabil, heiðursfélaga og margfaldan meistara, sem var burtu kallaður úr þessu jarðlífi þann 29. mars sl., eftir erfið veikindi.  Eg ætla ekki að rekja hér afrekaskrá hans í löngu máli, en hann varð 13 sinnum Skákmeistari Akureyrar, sigraði átta sinnum á Haustmóti félagsins og varð níu sinnum Skákmeistari Norðlendinga. Þá tefldi hann oftar en nokkur annar fyrir hönd félagsins á Íslandsmóti Skákfélaga. Gylfi sat í stjórn Skákfélagsins í heilan mannsaldur og var formaður félagsins í 14 ár.  Hann var án efa nafntogaðasti félagsmaður okkar um langt árabil, bæði hér á Akureyri og á landsvísu. Gylfi var jarðsunginn þann 8. apríl sl. og borinn síðasta spölinn af nokkrum skákfélögum. Vegna samkomu-takmarkana hefur orðið dráttur á því að Gylfa væri minnst með skákmóti í hans nafni, en stjórn félagsins stefnir á veglegt minningarmót um hvítasunnuna 2021, en þá helgi hefði Gylfi fagnað 67 ára afmæli sínu, hefði hann lifað. 

Áskell Örn Kárason

form. Skákfélags Akureyrar