Þrír jafnir og efstir á páskahraðskákmótinu.

Vegna samkomutakmarkana var ekki hægt að halda mótið í Skákheimilinu eins og auglýst hafði verið. Var þá brugðið á það ráð að flytja mótið yfir á Netið og var teflt á skákmótaþjóninum Tornelo. Að venju voru páskaegg í verðlaun, í þetta sinn í boði Nóa-Síríus. Mótið var afar jafnt og spennandi; þeir Rúnar og Áskell skiptust á að hafa forystuna en fyrir síðustu umferð hafði Rúnar náð vinnings forskoti þegar þeir tveir áttust við. Áskeli tókst að vinna þá skák og náði þar með Rúnari að vinningum. Það gerði líka Jón Kristinn Þorgeirsson, sem tapaði fyrstu tveimur skákum sínum en vann allar eftir það. Keppendur voru alls 14 og má sjá mótstöfluna hér:

		1	2	3	4	5	6	7	8	9	10	11	12	13	14
1	Áskell Örn Kárason		0	1	1	½	1	1	½	1	1	1	1	1	1	11
2	Jón Kristinn Þorgeirsson	1		0	1	0	1	1	1	1	1	1	1	1	1	11
3	Rúnar Sigurpálsson	0	1		0	1	1	1	1	1	1	1	1	1	1	11
4	Björn Ívar Karlsson	0	0	1		1	0	1	1	1	1	1	1	1	1	10
5	Elsa María Kristínardóttir	½	1	0	0		1	1	0	1	1	1	1	1	1	9½
6	Andri Freyr Björgvinsson	0	0	0	1	0		1	1	1	1	1	1	1	1	9
7	Stefán Bergsson	0	0	0	0	0	0		1	1	1	1	1	1	1	7
8	Sigurður Eiríksson	½	0	0	0	1	0	0		½	1	1	1	1	1	7
9	Markús Orri Óskarsson	0	0	0	0	0	0	0	½		1	1	1	1	1	5½
10	Jökull Máni Kárason	0	0	0	0	0	0	0	0	0		1	1	1	1	4
11	Sigþór Árni Sigurgeirsson	0	0	0	0	0	0	0	0	0	0		1	1	1	3
12	Róbert Orri Finnsson	0	0	0	0	0	0	0	0	0	0	0		1	1	2
13	Emil Andri Davíðsson	0	0	0	0	0	0	0	0	0	0	0	0		1	1
14	Alexía Lív Hilmisdóttir	0	0	0	0	0	0	0	0	0	0	0	0	0		0

Páskaegg voru veitt í verðlaun fyrir fjögur efstu sætin. Einnig þrír efstu keppendur á barnsaldri egg í verðlaun, þeir Markús Orri, Jökull Máni og Sigþór Árni. Þá voru tveir kassar af Nóa-Síríus konfekti dregnir út og fengu þá þau Alexía Lív og Emil Andri.

Föstudagsæfing 26. 03

Ætlum að taka æfingamót á netinu í stað skákæfingar í Íþróttahöllinni. 90 mínútna arena mót með umhugsunartímanum 5+3. Mótið byrjar klukkan 16:10 og stendur til 17:40. Það er hægt að koma seint inn og fara úr mótinu hvenær sem er. Hér er hlekkur á mótið: https://www.chess.com/live#r=1065399
Til að geta tekið þátt þarf fyrst að búa til aðgang á chess.com og sækja síðan um að ganga í hópinn "Skákfélag Akureyrar unglingar": https://www.chess.com/club/skakfelag-akureyrar-unglingar

Góður árangur Brekkuskólapilta

Sveit fjögurra stráka úr sjötta bekk Brekkuskóla tók þátt í Íslandsmóti barnaskólasveita (1-7. bekk) sem fram fór í Reykjavík um helgina. Sveitina skipuðu þeir Tobias Þórarinn Matharel, Emil Andri Davíðsson, Gunnar Logi Guðrúnarson og Brimir Skírnisson. Tefldar voru 8 umferðir á mótinu og bar Brekkuskóli sigur úr býtum í fimm viðureignum. Uppskeran var alls 18 vinningar af 32 mögulegum og fimmta sætið í hópi 23 sveita. Brekkuskóli varð langefstur landsbyggðarsveita og hlaut veglegan bikar að launum. 

Á myndinni má sjá (í fremri röð frá vinstri) Gunnar Loga, Emil Andra, Brimi og Tobias. Að baki þeim Áskell Örn liðsstjóri og Hjörvar Steinn Grétarsson stórmeistar, sem afhenti verðlaun. Myndin var sótt á skak.is, þar sem finna má ítarlega umfjöllun um mótið. 

Röðina og úrslit í öllum viðureginum má sjá á chess-results.