Rúnar startmeistari

Fyrsta mót nýhafinnar skáktíðar, Startmótið var teflt í gær, 9. september. Tíu manns mættu til leiks og var mótið vel mannað. Ekki síst þar sem þar tóku þátt þrír áhugamenn sem voru að mæta á sitt fyrsta mót hjá félaginu og var þeim vel fagnað. Þá voru tveir af yngri iðkendum með í þessum 10 manna hópi. Þá kom galvaskur til leiks fyrrum stjórnarmaður og fyrrum skákmeistari SA svo og Norðurlands eftir nokkurt hlé.  Enn fleiri meistarar voru þarna á ferð, m.a. einn hlotnaðist sæmdarheitið "unglingameistari Akureyrar fyrir hartnær 60 árum. Eru þá aðeins vantalin þau tvö sem hrepptu efstu sætin og stóðu sig því auðvitað best.

Eins og stundum áður vann Rúnar Sigurpálsson allar sínar skákir og mótið því í þokkabót. Elsa María vann svo alla nema Rúnar. En hér kemur mótstaflan:

		1	2	3	4	5	6	7	8	9	10	vinn
1	Rúnar Sigurpálsson		1	1	1	1	1	1	1	1	1	9
2	Elsa María Kristínardóttir	0		1	1	1	1	1	1	1	1	8
3	Sigurður Arnarson	0	0		1	1	1	1	1	1	1	7
4	Stefán G. Jónsson	0	0	0		1	1	1	1	1	1	6
5	Angantýr Ómar Ásgeirsson	0	0	0	0		1	½	1	0	0	4½
6	Markus Orri Oskarsson	0	0	0	0	0		1	1	1	1	4
7	Hilmir Vilhjálmsson	0	0	0	0	½	0		1	0	1	2½
8	Baldur Jónsson	0	0	0	0	0	0	0		1	1	2
9	Sigþór Árni Sigurgeirsson	0	0	0	0	0	0	1	0		1	2
10	Gunnlaugur Geir Gestsson	0	0	0	0	0	0	0	0	0		0

Næsta mót verður að viku liðinni, fimmtudaginn 16. september. Þá hefst taflið kl. 20.     

Aðalfundurinn 6. september; gamalt og nýtt.

Aðalfundur félagsins var haldinn 6. september sl. Þar bar helst til tíðinda að fráfarandi stjórn var öll endurkjörin. Stjórnin hefur þegar skipt með sér verkum og halda allir stjórnarmenn embættum sínum frá fyrra ári. 
Formaður er Áskell Örn Kárason og varaformaður Rúnar Sigurpálsson. Gjaldkeri er Smári Ólafsson og ritari Andri Freyr Björgvinsson. Óskar Jensson er umsjónarmaður eigna og varamaður í stórn (oftast nefndur meðstjórnandi) er Stefán Steingrímur Bergsson. Hann er jafnframt helsti tengiliður stjórnar við þann félagsauð sem er til staðar á suðvesturhorninu og við stjórn SÍ, sem hann situr í. 

Þá var frumvarp að nýjum lögum félagsins samþykkt. Eins og áður hefur komið fram eru þar ekki um veigamiklar lagabreytingar að ræða; meira verið að færa lögin til nðútímalegra horfs.

Skýrsla formanns um mótahald - lögð fyrir aðalfund 2021

Hér fylgir í viðhengi skýrsla formanns sum starfsemi félagsins - æfingar og mótahald - á því starfsári sem lýkur í dag. 

Hún fylgir hér í viðhengi.

Skrár tengdar þessari bloggfærslu:

• Skýrsla fyrir aðalfund 2021
• Aðalfundur S.A. 2020