Skipulag fyrir opin hús í vetur.

Skákfélagið hefur ákveðið að brydda upp á þeirri nýjung að standa fyrir opnu húsi öll fimmtudagskvöld í vetur. Stjórn félagsins hefur útfært skipulag fyrir opin hús og verður það eftirfarandi:

1.  Fyrsta fimmtudagskvöld hvers mánaðar verða fyrirlestrar um eitthvað fyrirfram ákveðið og auglýst þema. Fyrirlestrarnir verða í umsjá Sigurðar Arnarsonar en honum til aðstoðar verða Tómas Veigar, Áskell Örn og fleiri. Ef tími gefst til geta þátttakendur gripið í skák að fyrirlestri loknum.

2.  Hraðskákmót verða haldin annan og þriðja fimmtudag hvers mánaðar. Vinningum verður safnað til áramóta og þá verða veitt verðlaun fyrir þrjú efstu sætin. Sá sigrar sem fær flesta vinninga. Aðgangseyrir er kr. 500 og er kaffi innifalið.

*Ef fimmtudagskvöldin eru fimm í mánuðinum eins og nú í september verða mótskvöldin þrjú. 

3.  Lokafimmtudagur hvers mánaðar er óskipulagður og frítt inn. Tilvalið að líta í bók, spjalla eða grípa í skák. Félagar geta komið með hugmyndir um hvernig honum skuli ráðstafað. Hægt er að senda tillögur á [e-mail]. 

 Allar hugmyndir vel þegnar !

*Ef ákveðið er að taka mót verður það ekki reiknað með til lokaverðlauna.