Haustmótið hafið!

Haustmót Skákfélags Akureyrar, það 74. í röðinni, hófst í gær 17. október. Keppendur eru tólf talsins. Úrslit í fyrstu umferð:
Elsa María Kristínardóttir-Hilmir Vilhjálmsson    1-0

Sigþór Árni Sigurgeirsson-Hreinn Hrafnsson        0-1

Markús Orri Óskarsson-Emil Andri Davíðsson        1-0

Tobias Matharel-Alexía Lív Hilmisdóttir           1-0

Brimir Skírnisson-Jökull Máni Kárason             0-1

Skák Andra Freys Björgvinssonar og Arnars Smára Signýjarsonar verður tefld á miðvikudag.

Hart var barist í öllum skákunum í gær og tvísýnt um úrslit í sumum þeirra. Í "Holtateigsorrustunni" náði Elsa snemma töluverðum yfirburðum og vann örugglega. Það sama má segja um skák Tobiasar og Alexíu, þar sem sú síðarnefnda lék illa af sér í upphafi miðtafls og fékk ekki rönd við reist eftir það. Í skák Sigþórs og Hreins skildu 65 ár keppendur að í aldri. Sigþór var þó ekkert hnípinn gegn Norðurlandsmeistaranum frá 1976 og blés til kóngssóknar sem gat verið hættuleg ef svartur varaði sig ekki. Reynslan kom þó Hreini að góðu gagni og með gagnatlögu á réttum tíma náði hann að knýja fram sigur. Miklar flækjur voru í skák Markúsar og Emils og var Markús manni undir um tíma, en hafði nokkur sóknarfæri, sem þó hefðu tæplega dugað gegn bestu vörn. Á hana hitti Emil ekki og því fór sem fór. Brimir náði umtalsverðum stöðuyfirburðum gegn Jökli Mána, en freistaðist af óþarfa skiptamunsvinningi og gaf andstæðingnum færi á hættulegu mótspili þar sem hann hótaði máti í einum leik. Gegn bestu vörn hefði það þó ekki dugað nema til jafnteflis, en slæmur fingurbjótur Skírnis sem fól í sér drottningartap gerði út um skákina Jökli Mána í vil. 
Næsta umferð verður tefld n.k. fimmtudag og hefst kl. 18. Röðun í hana verður birt eftir að úrslit í frestuðu skákinni liggja fyrir. 
Mótið á Chess-results.

Dagskrá haustmótsins

Ný dagskrá lítur svona út:

Sunnudag 17. október    kl. 13.00              1. umferð   

Fimmtudag 21. október kl. 18.00               2. umferð   

Sunnudag 24. október    kl. 13.00              3. umferð   

Fimmtudag 28. október kl. 18.00               4. umferð   

Sunnudag 31. október    kl. 13.00              5. umferð   

Fimmtudag 4. október    kl. 18.00              6. umferð   

Sunnudag 7. nóvember kl. 13.00                 7. umferð   

Þetta með þeim fyrirvara að dagskráin leyfi það að sjö umgerðir verði tefldar skv. svissnesku kerfi, en til þess þarf a.m.k. 11 þátttakendur. Þá mun gefast kostur á yfirsetu í fyrstu 5 umferðunum. Verði þátttakendur færri þarf að laga fyrirkomulagið að því og gæti fjöldi umferða þá breyst lítillega. 

Sigurvegari mótsins er meistari Skákfélags Akureyrar. Núverandi meistari er Andri Freyr Björgvinsson. Þá verða einnig veitt verðlaun í yngri flokki (f. 2005 og síðar).

Gott er að keppendur skrái sig sem fyrst, með tölvupósti til [e-mail], eða með skilaboðum á facebook-síðu félagsins. 

    

Haustmóti seinkað

Vegna útbreiddra smita í bænum og fjölda á sóttkví hefur verið ákveðið að fresta upphafi haustmótsins um viku, eða til sunnudagsins 17. október. Nákvæm dagskrá verður birt innan tíðar.