Ragnar Pálsson látinn

Látinn er Ragnar Pálsson, um langt árabil félagi í Skákfélagi Akureyrar. Ragnar var einkum virkur sem skákdæmahöfundur og birstust mörg skákdæmi hans í Skákfélagsblaðinu og einnig víðar, s.s. í afmælisblaði Skáksambands Norðurlands.  Þrír synir Ragnars voru virkir skákmenn og tefldu með Skákfélaginu í mörg ár. 

Skákfélag Akureyrar vottar aðstandendum Ragnars heitins samúð sína og þakkar framlag hans til skáklífs á Akureyri.

Tvö skólaskákmót

Nú í janúar og febrúar hefur Skákfélagið efnt til skákæfinga í nokkrum grunnskólum bæjarins og haldið skólaskákmót. Tveimur mótum er nýlokið og urður úrslit þessi:

Naustaskóli, (yngri flokkur): 
1. Ásgeir Tumi Ingólfsson, 6. bekk   5v.
2-3. Monika Birta Baldvinsdóttir 5. bekk og Elvar Orri Brynjarsson 6. bekk 3 v.
4-6. Ágústa Forberg 5. bekk, Kolfreyja Sól Bogadóttir 5. bekk og Haraldur Bolli Heimisson 3 bekk, 2,5 v. 
Ásgeir Tumi er því skólaskákmeistari Naustaskóla 2011. Þá voru veittar viðurkenningar fyrir besta árangur í stúlknaflokki og var Monika þar hlutskörpust.
Keppendur voru 12.

Oddeyrarskóli, (yngri flokkur):
1. Don Kritsada Yangnok, 5 v.
2-3. Róbert Orri Heiðmarsson og Bruno Bernat 4 v. 
4-5. Berenika Bernat og Elfar Smári Róbertsson 3,5v. 
Don er því skólaskákmeistari Oddeyrarskóla 2011. 
Keppendur voru 30.  

Rúnar Sigurpálsson heldur fyrirlestur

Fyrsta fimmtudag hvers mánaðar eru haldnir fyrirlestrar í húsakynnum Skákfélags Akureyrar.

Fyrsta fimmtudag marsmánaðar (3. mars) fjallar Rúnar Sigurpálsson um skákir Jose Raúl Capablanca sem var einn færasti skákmaður allra tíma og heimsmeistari á árunum 1921-1927. 

Einnig fer fram verðlaunaafhending vegna Skákþings Akureyrar. 

Fyrirlesturinn hefst kl. 20 (fimmtudaginn 3. mars) og eru allir velkomnir !

Jose Raúl Capablanca á Wikipedia