Atskákmótið; Áskell efstur eftir fyrri daginn

Tíu keppendur mættu til leiks í þetta sinn og voru tveir aldurshópar mest áberandi., yngri og eldri.  Allir á þrítugs, fertugs- og fimmtugsaldri voru vant við látnir annarsstaðar.  
Ákveðið var að tefla sex umferðir skv. svissnesku kerfi og er nú fyrstu fjórum umferðunum lokið. Áskell er efstur eftir þennan fyrri dag með fjóra vinninga, Sigurður Eiríksson, Smári Ólafsson og Karl Steingrímsson koma á hæla honum með þrjá vinninga. 

Mótinu verður fram haldið á morgun kl. 18. Í fimmtu umferð tefla m.a. saman Áskell og Smári og Karl og Sigurður.  Öll úrslit og staðan á chess-results.

Úrslit nokkurra móta

10 mínútna mót 27. október:

Andri Freyr Björgvinsson     6 af 6
Smári Ólafsson               4
Sigurður Eiríksson           4
Karl Steingrímsson           3
Hjörtur Steinbergsson        2,5
Stefán G Jónsson             1,5
Valur Darri                  0

Hraðskákmót (4-2) 3. nóvember:

Sigurður Eiríksson          4 af 6
Smári Ólafsson              4
Stefán G Jónsson            2
Hjörtur Steinbergsson       2

Hraðskákmót (5-3) 17. nóvember

Áskell Örn Kárason          6 af 8
Sigurður Eiríksson          5,5
Smári Ólafsson              3,5
Hjörtur Steinbergsson       3
Stefán G Jónsson            2

 

Atskákmót Akureyrar um helgina

Atskákmót Akureyrar er eitt af hinum lögbundnu meistaramótum sem félagið heldur. Það hefst sunnudaginn 20. nóvember og stendur í tvo daga. 
Umhugsunartími er 20-5, þ.e. hver keppandi fær 20 mínútur í upphafi og svo bætast 5 mínútur við fyrir hvern leik. 
Stefnt er að sjö umferða móti; fjórar skákir á sunnudegi og þrjár á mánudegi. Þátttaka ræður þó fjölda umferða, en væntanlega verða þær ekki fleiri en sjö og tæplega færri en sex.

Dagskrá:
Sunnudagur 20. nóvember kl. 13.00, 1-4. umferð.
Mánudagur 21. nóvember kl. 18.00, 5-7. umferð.

Þátttökugjald er kr. 1.500, en börn og unglingar (að 16 ára) eru undanþegin.

Teflt er um titilinn Atskákmeistari Akureyrar. Núverandi meistari er Rúnar Sigurpálsson. Ef tveir eða fleiri unglingar mæta til leiks verður meistaratitill í unglingaflokki einnig í boði. Iðkendur í framhaldsflokki og yngri iðkendur yfirleitt eru hvattir til að mæta; munum að æfingin skapar meistarann. 

Mótið verður reiknað til alþjóðlegra atskákstiga.