Svæðismót í skólaskák 13. maí nk.

Teflt verður um svæðismeistaratitil í þremur aldursflokkum:

1-4. bekk
5-7. bekk
8-10. bekk

Sigurvegarinn í hverjum flokki öðlast keppnisrétt á Íslandsmótinu í skólaskák sem haldið verður á höfuðborgarsvæðinu 10-11. júní.

Skólar eru hvattir til að senda keppendur úr öllum aldursflokkum til mótsins. Þátttaka takmarkast við 32 í hverjum aldursflokki, en hverjum skóla er þó tryggt a.m.k. eitt sæti í hverjum flokki.

Nánari tímasetning og fyrirkomulag verður með þessum hætti:

Yngsta stig (1-4. bekkur)kl.11:00. Tefldar verða sex umferðir með umhugsunartímanum 5-3.
Miðstig (5-7. bekkur) kl. 13:30.  Tefldar verða sex umferðir með umhugsunartímanum 5-3.
Elsta stig (8-10. bekkur) kl. 15:15.  Tefldar verða sex umferðir með umhugsunartímanum 8-2.

Teflt verður í Skákheimilinu á Akureyri. Heimilið er í Íþróttahöllinni við Skólastíg (gengið inn að vestan, Þórunnarstrætismegin).

Mótsgjald er kr. 1000 fyrir hvern þátttakanda.
Mótin á miðstigi og elsta stigi verða reiknuð til alþjóðlegra hraðskákstiga.

Þátttaka tilkynnist til mótsstjóra á netfangið [e-mail] fyrir lok dags hinn 12. maí.