Að skella í sig súpu

Í gær beið Áskell sinn fyrsta ósigur á heimsmeistaramóti öldunga. Fyrstur til að leggja kappann var stórmeistari frá Rúmeníu, Suba að nafni. Hann hefur áður gert okkur Íslendingum skráveifu. Frægt varð að eindæmum þegar hann tefldi við Íslending á Ólympíumóti árið 1978. Sú skák var jafnteflisleg þegar hún fór í bið. Þá hringdi Suba í landsliðsmanninn Ingvar og bauð honum jafntefli sem Ingvar þáði. Morguninn eftir mættu þeir báðir til skákstjóra en þá kannaðist Suba ekkert við jafnteflisboðið svo þeir þurftu að setjast að tafli. Auðvitað vann dóninn enda hafði hann skoðað stöðuna með sínum aðstoðarmönnum en ekki Ingvar.

Skákin gekk þannig fyrir sig að Áskell, sem hafði hvítt, byggði upp efnilega sóknarstöðu á kóngsvæng en Suba leitaði eftir mótspili á drottningarvæng.  Þótti fréttaritara staða formannsins vænleg lengi framan af en ekki er sopin súpan þótt í ausuna sé komin og svo fór að lokum að Suba skellti formanninum eftir miklar sviptingar þar sem Áskell teygði sig heldur of langt til vinnings.

Í dag mætir Áskell hinum geðuga Dana Jørn Sloth í lokaumferð mótsins. Áskell lagði hann á Bornholm og tryggði sér þátttökurétt á heimsmeistaramótinu. Þeim Norðurlandabúum er vel til vina en enginn er annars bróðir í leik. Skákin verður í beinni á netinu og hefst kl. 15. Slóð á skákina má finna og má finna neðar á síðunni.

 

Áskell vann!

Formaður okkar heldur áfram að gera góða hluti í Króatíu. Í dag lagði hann að velli rússneskan alþjóðlegan meistara að nafni Vladimir I Karasev (2377). Áskell vann af honum peð í miðtaflinu og í endataflinu fann Valdimar þessi Kárason enga vörn gegn sókn formannsins sem náði að vekja upp drottningu og tryggja sér sigurinn.

Árangur okkar manns á mótinu hingað til samsvarar 2432 elóstigum. Hann er með 6.5 vinninga af 9 en hefði þurft 7 vinninga til að fá IM-norm. Meðalstig andstæðinga hans eru 2278 en hefðu þau verið 2283 hefðu 6.5 vinningar dugað.

Á morgun er komið að fyrsta stórmeistaranum. Sá er frá Rúmeníu og heitir hvorki meira né minna en Mihai Suba. Áskell hefur hvítt í skákinni sem sýnd verður beint á netinu. Góð úrslit í þeirri skák gætu fært honum áfanga að alþjóðlegum meistaratitli.

 

HM öldunga

Áskell Örn Kárason (2220), formaður Skákfélags Akureyrar, teflir ljómandi vel á HM öldunga (60+) sem er í fullum gangi í Rijeka í Króatíu. Áskell hefur 5,5 vinning eftir 8 umferðir og er í 10.-27. sæti.

Franski stórmeistarinn Anatoly Vaisser (2523) er efstur með 7 vinninga.

Í dag teflir Áskell við rússneska alþjóðlega meistarann Vladimir I Karasev (2377) og verður hann 6. Titilhafinn sem Áskell teflir við á mótinu.

Skák Áskels hefst kl. 15 og má fylgjast með henni á þessari slóð http://www.worldsenior2013.rijekachess.com/en/live-games

Árangur Áskels hingað til samsvarar 2393 skákstigum og er hann taplaus á mótinu. Miðað við úrslitin hingað til hefur hann bætt við sig 29 elóstigum. Það á þó eftir að breytast.

Hér fyrir neðan má sjá árangurinn hingað til.

1	61	162		Belokopyt Boris	1942	RUS	3.5	s ½	0.83	-0.33	15	-4.95
2	52	160		Baumgarten Werner	1943	GER	3.0	w 1	0.83	0.17	15	2.55
3	15	9	IM	Blechzin Igor	2411	RUS	5.0	w 1	0.25	0.75	15	11.25
4	13	35	FM	Thormann Wolfgang	2271	GER	5.0	s ½	0.43	0.07	15	1.05
5	14	27		Chernov Evgen	2325	UKR	4.5	w 1	0.36	0.64	15	9.60
6	7	14	IM	Kakageldyev Amanmurad	2384	TKM	5.5	s ½	0.28	0.22	15	3.30
7	9	19	IM	Shvedchikov Anatoli I.	2363	RUS	5.0	w ½	0.31	0.19	15	2.85
8	9	15	FM	Herzog Adolf	2379	AUT	5.5	s ½	0.29	0.21	15	3.15
9	12	16	IM	Karasev Vladimir I	2377	RUS	5.5	s