Haustmótið, fjórir og fjórir!

"Fjórir hanga, fjórir ganga" segir í gamalli þulu. Kannski má segja það sama um stöðuna á haustmótinu eftir tvær fyrstu umferðinar. Frestaðri skák úr fyrstu umferð milli Andra og Smára lauk með sigri þess fyrrnefnda. Í annari umferð sem lauk í kvöld urðu úrslit þessi: 

Benedikt-Sigurður   0-1

Smári-Símon         0-1

Hilmir-Andri        0-1

Áskell-Elsa         1-0

Skv. heimildamanni fréttasíðunnar átti Smári góða vinningsmöguleika en lék sig óvart í mát í tímahraki. Með þessum úrslitum er helmingir keppenda með fullt hús ("fjórir ganga"), þ.e. Andri, Áskell, Sigurður og Símon, en þau Benedikt, Elsa, Hilmir og Smári eru enn á vinninga. Í þriðju umferð, sem háð verður nk. sunnudag munu þessi leiða saman hross sín:

Andri og Benedikt,

Sigurður og Áskell

Símon og Hilmir

Elsa og Smári.

 

Haustmótið hófst í dag

Keppendur eru átta í þetta sinn og því tefldar sjö umferðir allir-við-alla. Mótið hófst í dag og er þremur skákum lokið:

Benedikt Stefánsson-Áskell Örn Kárason          0-1

Sigurður Eiríksson-Hilmir Vilhjálmsson          1-0

Símon Þórhallsson-Elsa María Kristínardóttir    1-0

Skák þeirra Andra Freys Björgvinssonar og Smára Ólafssonar var frestað til þriðjudags. Önnur umferð verður tefld á fimmtudags og hefst kl. 18. Þá eigast þessi við:

Benedikt og Sigurður

Hilmir og Andri

Smári og Símon

Áskell og Elsa

Sjá nánar á Chess-results.

A4 mótaröðin fyrir börn og unglinga.

 

 

 

 

Haldin verða sjö mót nú á haustmisseri, ávallt á laugardögum kl. 10-12 Þau eru þessi:

22. september

6. október

20. október

3. nóvember

17. nóvember

1. desember

8. desember

Athugið að alltaf líða tvær vikur milli móta, nema í desember. 

Mótaröðin er styrkt af A4, sem gefur Skákfélaginu fyrirtaks tússtöflu í kennslustofu okkar og mun koma að góðum notum í skákkennslunni.