Dagskráin næstu vikur

Rúnar hraðskákmeistari - í 16. sinn!

Hraðskákmót Akureyrar fór fram þann 17. febrúar. Góðmennt var á mótinu, en sjö áhugasamir keppendur voru tilbúnir til að berjast um þennan merka titil. Sigurður Arnarson tók snemma forystu á mótinu og hélt henni þar til í næstsíðustu umferð, þegar hann tapaði óvænt fyrir alþjóðlegum meistara.  Það gat Rúnar Sigurpálsson nýtt sér, en Rúnar hefur líklega unnið þetta mót oftar en nokkur annar. Hann hreppti því efsta sætið enn einu sinni, þrátt fyrir slaka byrjun. Rúnar hafði aðeins 1,5 vinning eftir 4 fyrstu skákirnar, en vann svo 10 skákir í röð og það dugði, sem áður sagði. Um önnur úrslit vísast til töflu: 

 

		nafn	stig	1	2	3	4	5	6	7	vinn
1	FM	Sigurpalsson Runar	2249	* *	0 1	½ 1	0 1	1 1	1 1	1 1	9½
2		Arnarson Sigurdur	2056	1 0	* *	1 0	1 0	1 1	1 1	1 1	9
3		Thorhallsson Simon	1874	½ 0	0 1	* *	0 1	1 1	1 1	1 1	8½
4	IM	Karason Askell O	2131	1 0	0 1	1 0	* *	1 0	1 1	1 1	8
5		Eiriksson Sigurdur	1974	0 0	0 0	0 0	0 1	* *	1 1	1 1	5
6		Thorarensen Robert	0	0 0	0 0	0 0	0 0	0 0	* *	1 1	2
7		Valdemarsson Viktor	0	0 0	0 0	0 0	0 0	0 0	0 0	* *	0

Næstu stórtíðindi í mótamálum felast í fjórðum loku TM-mótaraðarinnar á fimmtudagsinn kl. 20.00. Þó verður sýnu stærri atburður þar á undan, en kl. 17:45 setjast þeir Rúnar Sigurpálsson (sem hefur titil að verja) og Símon Þórhallsson að tafli í úrslitaeinvígi sínu um Akureyrarmeistartitilinn í skák 2019. Munu þeir tefla tvær atskákir (25+5) um þennan merka titil og sk. hamfaraskák til úrslita ef nauðsyn krefur. Áhorfendur eru hvattir til að mæta tímanlega - mótaröðin hefst að einvíginu loknu.

Laugardagsmót; Markús vann aftur!

Þriðja laugardagsmótið í syrpu sem hófst á nýju ári var háð þann 16. febrúar. Tíu keppendur mættu til leiks og tefldu að venju sex umferðir með sjö mínútna umhugsunartíma. Úrslit urðu þessi:

röð	nafn	vinn
1	Markús Orri Óskarsson	6
2	Jökull Máni Kárason	4
	Ingólfur Árni Benediktsson	4
	Arna Dögg Kristinsdóttir	4
5	Sigþór Árni Sigurgeirsson	3
	Hulda Rún Kristinsdóttir	3
	Bergur Ingi Arnarson	3
8	Ólafur Steinþór Ragnarsson	2
9	Ragnheiður Alís Ragnarsdóttir	1
10	Alexía Lív Hilmisdóttir	0

Þessi mót eru virkilega skemmtileg og gott tækifæri fyrir áhugasama iðkendur að auka keppnisþrek og -reynslu. Næsta mót verður strax í næstu viku og lýkur þá þessari fjögurra móta syrpu. Markús stendur besta að vígi í vinningasöfnuninni; hefur 16,5 vinninga; Þau Arna Dögg og Sigþór koma næst með 10,5. 

Svo er áformað að hefja nýja fjögurra móta röð laugardaginn 7. mars nk.