Gleðilegt skákár

Fámennur hópur skákmanna fagnaði nýja árinu með þátttöku í hinu árlega nýársmóti SA. Að þessu sinni tóku aðeins sex skákmenn þátt. Hinir skákþyrstu þátttakendur tefldu þrefalda umferð og var hart barist á 64 reitum. Leikar fóru svo að Jón Kristinn Þorgeirsson hafði sigur þegar allt var saman talið og hlaut 11 vinninga af 15 mögulegum. Sem fyrr virtist það litlu máli skipta þótt hann fengi stundum stöður sem almennt mætti telja tapaðar. Með útsjónarsemi og skákhörku tókst honum að snúa á andstæðingana í flestum skákum og er því vel að sigrinum kominn.
Lokastaðan:
Jón Kristinn Þorgeirsson 11 vinningar
Stefán Bergsson 10,5
Tómas Veigar Sigurðarson 10
Sigurður Eiríksson 6
Sigurður Arnarson 6
Karl Egill Steingrímsson 1,5

Hverfakeppnin - Þorpið náði öðru sæti!

Hin árlega hverfakeppni akureyrskra skákmanna fór fram nú milli jóla og nýjárs, nánar tiltekið 28. desember. Til leiks voru mætt stórliðin Brekkan - öðru nafni The Brekka Bastards og Þorpið, á vesturheimsku íþróttamáli, The Village Villains. Voru Villingarnir skipaðir skákmönnum utan ár, af eyrinni, ásamt einstaka liðhlaupum af Norðurbrekku. Bastarðar voru af ofan- og sunnanverðri brekku, velflestir, a.m.k.

Fyrst reyndu liðin með sér í atskák. 

Brekkan-Þorpið

Jón Kristinn-Stefán Bergsson    1-0

Áskell-Sigurður Arnarson        0-1

Símon-Tómas Veigar              1-0

Andri Freyr-Smári               1-0

Haki-Sigurður Eiríksson         0-1

Karl Egill-Hjörleifur           1-0

Kristinn P-Sveinn Pálsson       1-0

Benedikt Stef-Grétar Eyþórs     1/2

Arnar Smári-Heiðar Ólafs        1-0

Rak menn í rogastans við þessi úrslit, 6.5-2.5 Bastörðum í vil. Voru Villingarnir þó ódrukknir að því er séð varð. 

Þvínæst var efnt til hraðskákkeppni á 10 borðum, bændaglímufyrirkomulag og tefldi þá hver eina skák við alla úr liði andstæðinganna. Tónninn ver gefinn strax í fyrstu umferð þegar syðra liðið fékk 8 vinninga, en hinir aðeins færri. Eftir þetta var jafnt í flestum umferðum, 5-5 eða 6-4 (fyrir Brekku). Í næstsíðust umferð varð nyrðra liðið fyrir öðru stóráfalli, fékk einungis 1,5 vinning. Þeir hefndu sín svo í lokaumferðinni og unnu þá viðureign með minnsta mun. Lokaúrslit urðu 60,5-39,5.

Í liði sigurvegaranna munaði mest um Jón Kristin sem vann allar sínar skákir. Rúnar og Andri fengu 9 vinninga af 10 og Símon hálfum minna. Í silfurliðinu stóðu þeir Tómas Veigar, Sigurður Arnarson og Stefán sig best; fengu sex vinninga af tíu. 

Var þetta síðasta mót á vegum Skákfélagsins á árinu sem er að líða, en nýju ári verður heilsað með nýársmóti á fyrsta degi ársins og hefst það kl. 14.00, stundvíslega. Athygli er vakin á tímasetningunni.  

 

Jón Kristinn jólasveinn SA annað árið í röð!

Jólahraðskákmót SA var háð í kvöld, 21. desember. Tólf keppendur mættu til leika og var toppbaráttan jöfn og spennandi. Sigurvegari síðsta árs, Jón Kristinn Þorgeirsson, tapaði fyrstu skák sinni á mótinu, en vann næstu 10 viðureignir og kom einum vinningi undan helstu keppinautum sínum í mark. Mótstaflan sem hér segir:

Jón Kristinn Þorgeirsson		0	1	1	1	1	1	1	1	1	1	1	10
Áskell Örn Kárason	1		1	1	1	0	1	1	0	1	1	1	9
Símon Þórhallsson	0	0		1	1	1	1	1	1	1	1	1	9
Haraldur Haraldsson	0	0	0		1	1	½	½	1	1	1	1	7
Sigurður Eiríksson	0	0	0	0		½	1	1	1	1	1	1	6½
Elsa María Kristínardóttir	0	1	0	0	½		0	0	1	1	1	1	5½
Andri Freyr Björgvinsson	0	0	0	½	0	1		1	0	1	1	1	5½
Hjörtur Steinbergsson	0	0	0	½	0	1	0		1	1	1	1	5½
Karl Egill Steingrímsson	0	1	0	0	0	0	1	0		0	1	1	4
Haki Jóhannesson	0	0	0	0	0	0	0	0	1		1	1	3
Heiðar Ólafsson	0	0	0	0	0	0	0	0	0	0		1	1
Hilmir Vilhjálmsson	0	0	0	0	0	0	0	0	0	0	0		0

Næsta mót Skákfélagsins verður hin árlega hverfakeppni sem háð verður milli jóla og nýjárs, nánar tiltekið 28. desember nk.