Skákþingið: Símon í forystu

Fjórða umferð Skákþings Akureyrar var tefld í gær - 24. janúar. Úrslit:

Arnar Smári-Benedikt  0-1

Smári-Sigurður        1-0

Andri-Símon           0-1

Stefán-Rúnar          verður tefld 28. jan.

Mest spennandi var viðureign efstu manna, Andra og Símonar. Sá síðarnefndi kom á óvart með því að beita hollenskri vörn og náði snemma að jafna taflið.  Í miðtaflinu tók svartur svo öll völd og vann snaggaralega. 

Smári fékk snemma heldur vænlegra taflæ gegn Sigurði sem fékk ekki varist snarpri kóngssókn þess fyrrnefnda.

Yngissveinar Arnar og Benedikt tefldu tvísýna skák þar sem sá síðarnefndi gaf tvo menn fyrir hrók og tvö peð. Arnar geystist í kóngssókn sem þó skilaði litlu og þegar hann á örlaga stundu gat tryggt sér jafna stöðu eftir drottningakaup, sá hann hróksvinning í hillingum sem varð honum að falli. 

Símon er nú einn efstur með 3,5 vinninga eftir fjórar skákir, en Rúnar fráfarandi meistari getur þó náð honum að vinningum með sigri í frestaðri skák. Á hæla Símonar koma svo þeir Andri og Smári með þrjá vinninga. Vafalaust mun baráttan um titilinn standa milli þessara fjögurra. 

Í fimmtu umferð sem tefld verður á sunnudaginn eigast þessir við:

1	3	1297		Stefansson Benedikt			Bjorgvinsson Andri Freyr	2003	8
2	4	2266	FM	Sigurpalsson Runar			Signyjarson Arnar Smari	1351	2
3	5	1845		Eiriksson Sigurdur			Jonsson Stefan G	0	1
4	6	2064		Thorhallsson Simon			Olafsson Smari	1940	7

öll úrslit, sjá chess-results

Skákdagsmótið 26. janúar - stórmót fyrir börn!

Tilefnið getur ekki verið merkilegra - þann 26. janúar á fyrsti stórmeistari okkar íslendinga. Friðrik Ólafsson, afmæli. Hann verður 84 ára gamall og er lifandi vitnisburður um það að skákmenn bera aldurinn yfirleitt vel - sérstaklega ef þeir byrja ungir að tefla. Annar öldungur á líka afmæli á næstu dögum - nefnilega Skákfélag Akureyrar sem verður 100 ára þann 10. febrúar nk. Við erum því á sögulegum nótum, en ekki síður hugum við að nútímanum og unga fólkinu.

Stórmótið verður sumsé haldið laugardaginn 26. janúar í sal Brekkuskóla og hefst kl. 10.  Tefldar verða 7 umferðir með 7 mínútna umhugsunartíma. Fyrirhugað er að telft verði í tveimur flokkum:

a. börn fædd 2010 og síðar

b. börn fædd 2009 og fyrr

Veitt verða verðlaun í eftirfarandi aldursflokkum:

Börn fædd 2011 og síðar (yngsti flokkur)

Börn fædd 2010

Börn fædd 2009

Börn fædd 2006-2008 (eldri flokkur)

Börn fædd 2003-2005 (unglingaflokkur)

Allir þátttakendur fá viðurkenningu. 

Gott er að mæta tímanlega; skráning hefst á skákstað kl. 9.30

Stjórnin

Skákþingið: 3. umferð

Í dag var þriðja umferð Skákþings Akureyrar tefld, nema hvað skák Arnars og Andra var frestað til 22. janúar. Í öðrum skákum urðu úrslit sem hér segir.

Skák Sigurðar gegn Símoni lauk fyrst. Símon mætti vel undirbúinn til leiks og fékk óstöðvandi sókn. Hann fórnaði tímabundið skiptamun og vann liðið til baka með miklum vöxtum og vaxtavöxtum. Þegar herafli hvíts var orðinn helst til fáliðaður gafst Sigurður upp.
0-1

Benedikt stýrði hvítu mönnunum gegn Stefáni. Fréttaritara þótti sem í þrígang hafi hinn síðarnefndi misst af vænlegri leið en varð að lokum að gefa drottningu fyrir hrók og riddara. Benedikt stýrði þeirri stöðu sannfærandi í sigurhöfn
1-0

Í skák Rúnars og Smári pressaði hvítur stíft. Líkt og í fyrstu skák Rúnars, þar sem hann stýrði einnig hvítu mönnunum, fékk hann sterka riddara sem þrengdu svo mjög að svörtu stöðunni að eitthvað varð undan að láta. Sannfærandi sigur hjá Rúnari.
1-0

 

 

 

 

 

 

 

 

 

Benedikt vann sinn fyrsta sigur í mótinu.