Skákþing Norðlendinga 2019 Norðurorkumótið

Skákþing Norðlendinga 2019

Norðurorkumótið

Akureyri 22-24. mars

Skákþing Norðlendinga hefur verið háð árlega frá 1935. Mótið í ár er hið 85. í röðinni og er sérstaklega til þess vandað í tilefni af aldarafmæli Skákfélags Akureyrar.  

Teflt verður í Rósenborg við Skólastíg, 3. hæð.

Dagskrá:
Tefldar verða 7 umferðir eftir svissnesku kerfi, 4 atskákir og 3 kappskákir. 

Föstudagur 22. mars kl. 19.00:         1.-4. umferð. Atskák, tími 20-5
Laugardagur 23. mars kl. 10.00:       5. umferð. Kappskák, 90 mín + 30 sek/leik.
Laugardagur 23. mars kl. 16.00:       6. umferð. Kappskák, 90 mín + 30 sek/leik.
Sunnudagur 24. mars kl. 10:00:        7. umferð. Kappskák, 90 mín + 30 sek/leik.
Sunnudagur 24. mars kl. 14.30:        Hraðskákmót Norðlendinga.

Mótið verður reiknað til íslenskra og alþjóðlegra skákstiga.

 Verðlaun:

1. verðlaun kr. 55.000
2. verðlaun kr. 35.000
3. verðlaun kr. 25.000
4. verðlaun kr. 15.000

Stigaverðlaun:            kr. 15.000, besti stigaárangur keppanda 1799 eða minna.

Unglingaverðlaun:         styrkur til þátttöku í móti innanlands

Aukaverðlaun:             kr. 25.000 fyrir Skákmeistara Norðlendinga.

 

Þátttökugjald: kr. 4.000 en kr. 1.000 fyrir börn f. 2003 og síðar.

 

Öllum er heimil þátttaka á mótinu, en aðeins þátttakendur með lögheimili á Norðurlandi geta unnið þá meistaratitla sem teflt verður um, þ.e. Skákmeistari Norðlendinga, (í meistaraflokki og unglingaflokki) og Hraðskákmeistari Norðlendinga. 

Skorið skal úr um meistaratitil milli keppenda sem eru jafnir að vinningum á eftirfarandi hátt:

1. Bucholz-1
2. Meðalstig aanstæðinga
3. Hlutkesti

Þetta á þó ekki við um hraðskákmótið. Þar verður telft til úrslita um titilinn ef með þarf, tvær skákir+bráðabani.

 

Núverandi skákmeistari Norðlendinga er Jón Kristinn Þorgeirsson.

 

Skráning í netfangið [e-mail] eða í gula kassanum á skak.is

 

 

Laugardagsmót 9. mars = þrír jafnir og efstir!

Átta krakkar mættu til leiks nú á laugardaginn og var ákveðið að tefla sjö umferðir, allir-við-alla. Þrír keppendur skáru sig snemma úr hópnum og eiga öll það sameiginlegt að mæta næstum á hvert einasta mót. Þau eru því í góðri æfingu!

Þegar upp var staðið urðu þau efst og jöfn með sex vinninga; Markús Orri, Arna Dögg og Jökull Máni. Þau töpuðu öll einni skák; Arna fyrir Jökli, Jökull fyrir Markúsi og Markús fyrir Örnu! Aðrar skákir unnu þau.  Af öðrum er þetta að segja:

Bergur Ingi   4

Sigþór Árni   3

Hulda Rún     2

Ragnheiður og Ólafur 1/2

Næsta mót verður MJÖG bráðlega; auglýst á næstu dögum.

Mótaröðin áfram 7. mars og svo laugardagsmót í nýrri syrpu!

Fimmta lota mótaraðarinnar verður tefld nk. fimmtudagskvöld og hefst að venju kl. 20. Allir velkomnir sem áður. 

Nú hafa verið haldin fjögur laugardagsmót á nýju ári og telst þá fyrstu syrpunni lokið, eins og sagt var frá í fyrri frétt. Ný syrpa hefst núna laugardaginn 9. mars og hefst kl. 10. Öll börn á grunnskólaaldri velkomin, þau sem æfa hjá félaginu að sjálfsögðu, en aðrir mega líka koma.