Sigþór vann nóvembermótið.

Mánaðarmót barna fyrir november var haldið laugardaginn 18. nóv. Í fjarveru Markúsar Orra sem er upptekinn á heimsmeistaramóti barna á Ítalíu, gátu nú aðrir blandað sér í baráttuna um sigurinn, en Markús hefur haft nokkra yfirburði á þessum mótum frá því þau hófust í upphafi þessa árs. Tíu keppendur mættu til leiks, þar af fjórir iðkendur í almennum flokki. Vonandi fer þeim fjölgandi á næstu mótum, en yngri börnin voru mjög dugleg að mæta á þessi mót á vormisserinu. Þau eiga auðvitað erfitt með að knésetja andstæðinga sína úr framhaldsflokknum, en enginn verður óbarinn biskup (og ekki riddari heldur!) á þessum vettvangi og svona mót ættu að vera góð æfing fyrir alla. 

Að loknum hinum venjubundnu sex umferðum leit lokastaðan svona út:

röð	nafn	vinn
1	Sigþór Árni Sigurgeirsson	6
2	Goði Svarfdal Héðinsson	5
3	Valur Darri Ásgrímsson	4
4	Damian Jakub Kondacki	3½
5	Eyþór Páll Ólafsson	3
6	Vjatsjeslav Kramarenko	2½
7	Skírnir Sigursveinn Hjaltason	2
	Óliver Örn Stefánsson	2
	Baltasar Bragi Snæbjörnsson	2
10	Kristófer Erik Stefánsson	0

Sigþór náði sumsé að vinna allar sínar skákir, en úrslitaskák hans við Goða var jöfn og tvísýn, en sá sem lék næstsíðasta afleiknum vann eins og oftast gerist. 

Síðasta mótið í þessari mótaröð á árinu verður um miðjan desember (nánari dags. augæyst innan skamms) og fellur læílega saman við hið hefðbundna jólapakkamót okkar.