Norðurorkumótið 6. umferð

Í dag hófst 6. og næstsíðasta umferð Norðurorkumótsins, Skákþings Akureyrar 2015, með fimm skákum en hinum fimm skákunum hefur verið frestað til þriðjudags kl. 16.30.

Úrslit, vinningafjöldi og pörun fyrir þriðjudag má sjá hér:

Bo.	No.		Name	Rtg	Pts.	Result	Pts.		Name	Rtg	No.
1	3		Thorgeirsson Jon Kristinn	2059	5		4½		Karason Askell O	2271	1
2	5		Thorhallsson Simon	1961	3½	½ - ½	4		Kristjansson Olafur	2118	2
3	9		Sigurdsson Jakob Saevar	1806	3	0 - 1	3		Olafsson Smari	1972	4
4	11		Bjorgvinsson Andri Freyr	1754	3		3		Haraldsson Haraldur	1957	6
5	14		Gasanova Ulker	1616	2½		2½		Eiriksson Sigurdur	1923	7
6	19		Johannesson Haki	0	2½	½ - ½	2		Steingrimsson Karl Egill	1734	12
7	18		Eymundsson Eymundur	0	2		2		Jonsson Logi Runar	1555	15
8	21		Stefansson Benedikt	0	2	0 - 1	2		Hrafnsson Hreinn	1502	16
9	10		Sigurdsson Sveinbjorn	1763	1½	0 - 1	1½		Hallberg Kristjan	1662	13
10	20		Olason Oliver Isak	0	1½		½		Bjornsson Gabriel Freyr	0	17
11	8		Halldorsson Hjorleifur	1905	1	½			bye

 

Um einstakar skákir er það að segja að fyrstir til að ljúka voru þeir Bensi og Hreinn. Hreinn lagði lævísa gildru fyrir tilvonandi bónda á Bægisá sem Bensi féll í og fékk tapað tafl.
Skömmu síðar sættust Haki og Karl á skiptan hlut í stöðu þar sem skákstjóra sýndist að hvítur gæti unnið peð.

Í skák Jakobs og Smára vann hvítur peð en Smári náði að snúa taflinu við og sigraði.

Kristján Hallberg fékk betri stöðu gegn Sveinbirni. Þegar hann hafði unnið tvö peð fór Sveinbjörn að tefla mjög hraustlega, fórnaði manni fyrir spil og vann hann síðan aftur. Við það einfaldaðist staðan og þá reyndist Kristján vandanum vaxinn og vann hróksendataflið.

Skák dagsins var viðureign Símonar og Ólafs. Símon fékk mun betri stöðu út úr byrjuninni og vann peð en þeir hrókuðu á hvor á sínum væng. Í miðtaflinu náði Óli að vinna peðið til baka og stóð þá betur. Honum tókst svo að vinna mann með laglegri fléttu og um síðir kom upp endatafl þar sem svartur hafði hrók, peð og biskup gegn hróki hvíts. Símon varðist frumlega og drap að lokum valdaðan guðsmanninn með hróknum. Ef Ólafur hefði tekið hrókinn til baka var Símon patt svo þeir sættust á skiptan hlut.