Mótaröð – Áskell Örn öruggur sigurvegari í heildarkeppninni

Í haust bryddaði félagið upp á þeirri nýung að skeyta hinum hefðbundnu hraðskákmótum félagsins saman í mótaröð. Fyrirkomulagið er þannig að vinningum er safnað frá fyrstu umferð til þeirrar síðustu (alls sjö umferðir núna í haust) og þeir síðan lagðir saman. Samanlagðir vinningar raða svo keppendum  í sæti. Tilgangur breytingarinnar var sá að fastsetja punkt í mótadagskrá félagsins sem hægt væri að ganga að sem vísum, annan og þriðja fimmtudag hvers mánaðar í tilfelli mótaraðarinnar, og í leiðinni búa til skemmtilega keppni þar sem frammistaða í einu móti er ekki lykilatriði heldur skiptir einnig máli að mæta sem oftast.

Að mati þess er þetta ritar hefur nokkuð vel tekst til. Þátttaka hefur verið með ágætum og almenn ánægja virðist ríkja meðal keppenda. Keppnin sjálf hefur verið nokkuð spennandi og ef glöggt er að gáð hafa nánast allir keppendur a.m.k. einu sinni orðið öllum samkeppendum sínum að bráð.

Keppnin, eins og reyndar allt starf félagsins, hefur brúað bil milli margra kynslóða. Aldursmunur á milli keppenda hefur þannig náð allt að sex áratugum. Vonandi hefur það orðið til þess að þeir sem yngri eru hafa notið góðs af því að tefla við sér reyndari menn og þeir sem eldri eru hafa vafalaust notið góðs af því að reyna að halda í við hraða ungu kynslóðarinnar.

Við yfirferð mótstöflu haustannarinnar má vel merkja kynslóðaskipti, eða a.m.k. viðbót sem er að verða í hópi sterkustu skákmanna félagsins. Sú þróun er afar jákvæð og mun vonandi sjást enn betur við lestur töflu vorannarinnar.

Til nánari glöggvunar kemur hér örlítil tölfræði sem undirritaður hefur tekið saman. Að sjálfsögðu er hún reist á lítið eitt hæpnum forsendum eins og ætlast er til, þar sem einhverju getur munað á fjölda skáka á milli umferða. Eins er mögulega lítið að marka tölfræði hjá þeim sem tekið hafa þátt í fáum umferðum.

		Fjöldi móta	Meðaltal vinninga
1	Áskell Örn Kárason	6	11,08
2	Mikael J. Karlsson	6	8,75
3	Smári Ólafsson	6	8,08
4	Sigurður Arnarson	4	7,50
5	Tómas Veigar	7	7,21
6	Sigurður Eiríksson	7	6,86
7	Jón Kristinn	1	6,50
8	Haki Jóhannesson	4	6,25
9	Sveinbjörn Sigurðss.	1	5,00
10	Ari Friðfinnsson	1	4,00
11	Karl Steingrímsson	3	3,50
12	Andri Freyr	1	3,50
13	Atli Benediktsson	4	2,88
14	Bragi Pálmason	2	1,00

Sjálfsagt er ýmsu hægt að breyta og margt hægt að laga. Hugsanlega felst of mikil skuldbinding í því að láta allar umferðir gilda að jöfnu. Mögulega fælist sanngirni í því að bæta við fleiri verðlaunaflokkum. Skemmtilegt gæti verið að auka fjölbreytni með því að tefla t.d. annað hvert mót með viðbótartíma (3.02). Fast í hendi er þó að tillögum er hægt að koma til stjórnarinnar á skákfundum eða með því að senda rafpóst á netfangið [e-mail]

Undirritaður þakkar samkeppendum fyrir skemmtilega keppni í haust og vetur.
Tómas Veigar.
_______________________________________________________________________ 

 Sjöunda- og jafnframt lokaumferð mótaraðarinnar fór fram í gær. Átta skákmenn mættu til leiks og tefldu að vanda tvöfalda umferð, allir við alla.

Áskell Örn breytti í engu út af vananum og lagði næstum því alla andstæðinga sína að velli og var því með 13 vinninga af 14. Smári Ólafsson sem farið hefur vaxandi í keppninni var í öðru sæti með 11 vinninga og í þriðja sæti var keppandi númer sjö í töfluröðinni sem í sjöundu umferð vann sjö skákir. Hvað eru mörg sjö í því ?

Úrslit:

Áskell Örn Kárason                                       13 vinningar af 14.
Smári Ólafsson                                              11
Tómas Veigar Sigurðarson                            7
Sigurður Eiríksson                                         6½
Haki Jóhannesson                                          5½
Atli Benediktsson                                          5
Karl Egill Steingrímsson                                4½
Andri Freyr Björgvinsson                              3½

Opið hús - Mótaröð					16. desember 2010
		1	2	3	4	5	6	7	8	Samtals
1	Karl Steingrímsson		1 0	1 0	½ 1	0 0	0 0	0 1	0 0	4½
2	Haki Jóhannesson	0 1		1 1	0 1	0 1	½ 0	0 0	0 0	5½
3	Atli Benediktsson	0 1	0 0		1 1	0 0	0 1	1 0	0 0	5
4	Andri Freyr	½ 0	1 0	0 0		0 0	0 1	0 1	0 0	3½
5	Smári Ólafsson	1 1	1 0	1 1	1 1		1 1	1 1	0 0	11
6	Sigurður Eiríksson	1 1	½ 1	1 0	1 0	0 0		0 1	0 0	6½
7	Tómas Veigar	1 0	1 1	0 1	1 0	0 0	1 0		0 1	7
8	Áskell Örn	1 1	1 1	1 1	1 1	1 1	1 1	1 0		13

 

Úrslitin í mótaröðinni eru þá ljós. Áskell Örn hefur sigrað með nokkrum yfirburðum, fékk 66½ vinning úr sex umferðum. Mikael Jóhann Karlsson, sem átti því miður ekki heimangengt í gær, er í öðru sæti með 52½ vinning úr sex umferðum. Tómas Veigar Sigurðarson er svo í þriðja sæti með 50½ vinning úr sjö umferðum.

 

 

	Mótaröð - Haust 2010		Staðan
		23.sep	14.okt	21.okt	11.nóv	18.nóv	9.des	16.des	Samtals
1	Áskell Örn Kárason	11	11	10,5	10		11	13	66,5
2	Mikael J. Karlsson	8,5	11	10	5	9	9		52,5
3	Tómas Veigar	7,5	8,5	8	6,5	6	7	7	50,5
4	Smári Ólafsson		5,5	7	7	7,5	10,5	11	48,5
5	Sigurður Eiríksson	8,5	9	8	4	4	8	6,5	48
6	Sigurður Arnarson	9			7	7,5	6,5		30
7	Haki Jóhannesson		6	9		4,5		5,5	25
8	Atli Benediktsson			2,5	2,5		1,5	5	11,5
9	Karl Steingrímsson					3,5	2,5	4,5	10,5
10	Jón Kristinn	6,5							6,5
11	Sveinbjörn Sigurðss.	5							5
12	Ari Friðfinnsson		4						4
13	Andri Freyr							3,5	3,5
14	Bragi Pálmason		1	1					2
Fjöldi þátttakenda		7	8	8	7	7	8	8
Þátttakendafjöldi að meðaltali			7,57

 

Næst á dagskránni er Hausthraðskákmót unglinga á sunnudaginn kl. 14. Því næst er Jólahraðskákmótið, þriðjudaginn 28. desember kl. 19:30. Ný mótaröð hefst svo á nýju ári.