Opið hús – mótaröð

Fyrsta mótið í æfinga mótaröðinni fór fram í kvöld. Mótaröðin er nýjung hjá félaginu, en keppendur safna vinningum til áramóta og þá verða heildarvinningar taldir. Sá sem nær sér í flesta vinninga vinnur, en verðlaun verða veitt fyrir þrjú efstu sætin.

Átta skákmenn á öllum aldri mættu til leiks í kvöld. Lesa mátti úr augnaráði þeirra að allir ætluðu þeir sér að hefja keppni í mótaröðinni  af miklum krafti, enda eiga þeir sem oftast mæta mesta möguleika.

Áskell á greinilega ennþá laust hillupláss, því hann náði sér í 11 vinninga og stendur best að vígi að svo stöddu. Þetta mun vera þriðji sigur Áskels af fyrstu fjórum mótum vetrarins, eða sem samsvarar öllum mótum sem hann hefur á annað borð tekið þátt í. Sigurður Arnarson náði í næst flesta vinninga, eða 9 og Sigurður Eiríksson og Mikael Jóhann Karlsson deildu þriðja sætinu með 8,5 vinninga.

Staðan:

1.      Áskell Örn Kárason                     11 vinningar af 14.

2.      Sigurður Arnarson                        9

3.      Sigurður Eiríksson                        8,5

4.      Mikael Jóhann Karlsson               8,5

5.      Tómas Veigar Sigurðarson           7,5

6.      Jón Kristinn Þorgeirsson               6,5

7.      Sveinbjörn Ó. Sigurðsson             5

Opið hús - Mótaröð		23. september 2010
		1	2	3	4	5	6	7	8	Samtals
1	Áskell Örn Kárason		0 1	1 1	1 0	1 1	1 1	1 ½	1 ½	11
2	Sigurður Arnarson	1 0		1 0	0 1	½ ½	1 1	1 1	1 0	9
3	Sigurður Eiríksson	0 0	0 1		1 0	1 1	1 1	1 1	0 ½	8½
4	Sveinbjörn Sigurðsson	0 1	1 0	0 0		0 0	1 1	0 0	1 0	5
5	Mikael Jóhann Karlsson	0 0	½ ½	0 1	1 1		1 1	0 1	1 ½	8½
6	Tómas Smári	0 0	0 0	0 0	0 0	0 0		0 0	0 0	0
7	Tómas Veigar	0 ½	0 0	0 0	1 1	1 0	1 1		1 1	7½
8	Jón Kristinn	0 ½	0 1	1 ½	0 1	0 ½	1 1	0 0		6½

 

Næst á dagskrá hjá félaginu er Haustmótið sem hefst á sunnudaginn kl. 14. Ítarlegar upplýsingar um mótið má finna á heimasíðu félagsins.