Íslandsmót skákfélaga 2008 - 2009.

laugardagur 21.mar.09

  Íslandsmót Skákfélaga síðari hluti hófst á Akureyri í gær í Brekkuskóla. Það eru liðin 35 ár sem Deildakeppnin hófst, en keppnin hét það áður og  það var einmitt á Akureyri 1974. Skákfélag Akureyrar er eina félagið með fimm sveitir í síðari hluta keppninnar, en  

alls hættu við níu sveitir af 30 í 4. deild sem voru með í haust. A - sveit Skákfélags Akureyrar hlaut 1,5 vinning gegn firnasterku liði Taflfélagi Bolungarvíkur sem fékk 6,5 v. Danski skákmeistarinn Thorbjörn Bromann vann stórmeistara frá Úkraníu á 1. borði og Þór Valtýsson gerði jafntefli við Jón L Árnason stórmeistara. Annars leit vel út á nokkrum borðum hjá Akureyringum en ótrúlega lánleysi varð í skákunum hjá okkar mönnum.  Í sömu umferð gerðu Haukar A og Hellir b jafntefli 4 - 4. Akureyri er í 7. sæti með 13 v. en Haukar og Hellir b eru með 15,5 v. Bolungarvík eru efstir í 1. deild.  Í 2. deild fékk b - sveitin 2 v. gegn 4 á móti Haukum b.  og eru í 8. sæti.

Í 4. deild fékk c - sveitin 2,5 v. gegn Taflfélagi Goðans 3,5 v.

D - sveitin fékk 0,5 vinning og unglingasveitin fékk 3 vinninga gegn Skákfélagi Umfl sem fékk einnig 3 v..  6. umferð hefst kl. 11.00 f.h.  Sjöunda og síðasta umferð hefst kl. 17.00 í Brekkuskóla.  

Alls eru 45 sveitir með og eru 286 keppendur + varamenn og er þetta fjölmennasta skákkeppni hér á Akureyri síðan frá 1992 en þá voru 144 keppendur á barna og unglingamóti Skákfélags Akureyrar og Kíwanisklúbburinn Kaldbakur haldið í Lundarskóla.