Mánaðarmót barna, Markús og Tobias efstir

Marsmótið í mánaðarmótasyrpunni var teflt í dag, 25. mars. Tólf keppendur mættu til leiks, heldur færri en undanfarin mót. Kannski átti blíðviðrið þar einhverja sök, en aðstæður til skíðaiðkunar hljóta að vera óvenjugóðar.
Þeir Tobias og Markús gerðu jafntefli í hörkuskák og unnu aðra andstæðinga sína. Að venju voru tefldar sex umferðir með umhugsunartímanum 5-3. Þetta mót verður reiknað til hraðskákstiga hjá FIDE. 

Lokastaðan:

röð	nafn	stig	vinn
1	Matharel Tobias		5½
	Oskarsson Markus Orri	1399	5½
3	Sigurgeirsson Sigthor Arni	1307	4
4	Gudrunarson Gunnar Logi		3
	Asgrimsson Valur Darri		3
	Kondracki Damian Jakub		3
	Bernhardsson Kristian Mar		3
8	Kramarenko Vjatsjeslav		2½
9	Hilmisdottir Alexia Liv		2
	Alexandru Rotaru		2
	Perez Seno McGrath		2
12	Hjaltason Skirnir		½

Mótaröðin; Rúnar vann með fullu húsi

Sjötta lota mótarðarinnar var tefld fimmtudaginn 23. mars. Mæting var með minnsta móti í þetta skiptið, hvort sem landsleikurinn við Bosníu átti þar hlut að máli eða ekki. Eins og áður vann Rúnar Sigurpalsson allar skákir sínar, 8 að tölu. Aðrir:
Áskell      5
Stefán      4
Sigurður    3
Helgi Valur 0

Eftir sex mót af átta hefur Áskell rakað saman flestum vinningum, eða 41,5. Sigurður kemur næstur með 38; Stefán hefur 28,5; Smári 26 og Rúnar 23, en sá síðastnefndi hefur bara tekið þátt í tveimur mótum af sex. 

Nú verður hlé á skákmótahaldi hjá félaginu fram að páskum. Páskaeggjamót fyrir iðkendur í almennum flokki verður reyndar næstkomandi föstudag 31. mars, en hið eiginlega páskamót félagsins verður haldið á skírdag. Þangað er öllum stefnt, ungum sem öldnum.

 

Skákþing Norðlendinga 2023

Skákþing Norðlendinga verður haldið á Akureyri dagana 14-16. apríl 2023. Mótið verður með breyttu sniði frá því sem tíðkast hefur flest undanfarin ár.

Dagskrá:
Föstudagur 14. apríl kl. 19:00, 1-3. umferð.
Laugardagur 15. apríl kl. 11:00, 4-7. umferð.
Sunnudagur 16. apríl kl. 10.00, 8-9. umferð.  Hraðskákmót Norðlendinga að lokinni 9. umferð.
VÆNTANLEGIR KEPPENDUR ATHUGI að fjöldi umferða miðar við það að keppendur verði a.m.k. 20. Mótshaldari getur ákveðið að fækka umferðum um eina eða tvær ef keppendur verða færri.

Umhugsunartími: 15-10 (atskákir). Í hraðskákmótinu 3-2.

Verðlaun:
1. sæti  kr. 55.000
2. sæti  kr. 30.000
3. sæti  kr. 20.000
Stuðst verður við Hort-kerfið þegar verðlaunum er skipt.

Öllum er heimil þátttaka og allir keppendur eiga tilkall til peningarverðlauna. Teflt er um þrjá meistaratitla:
Skákmeistari Norðlendinga
Skákmeistari Norðlendinga í unglingaflokki (f. 2007 og síðar)
Hraðskákmeistari Norðlendinga.
Aðeins þeir keppendur sem á lögheimili á Norðurlandi geta unnið þessa titla.
Núverandi Skákmeistari Norðlendinga (og hraðskákmeistari) er Áskell Örn Kárason.

Mótið reiknast til alþjóðlegra atskák- og hraðskákstiga.

Þátttökugjald er kr. 4.000, kr. 2.000 fyrir börn f. 2007 og síðar.

Þátttöku má tilkynna í netfangið [e-mail], og í gula kassann á skak.is